MARCA: កំពូលភ្នាក់ងារ Mendes កំពុងរត់ការឲ្យ Cristiano Ronaldo ត្រឡប់ទៅ Manchester United
Cristiano Ronaldo ពិតជាមិនសប្បាយចិត្តនោះទេនៅក្លឹប Juventus ហើយរឿងនោះត្រូវបានគេមើលឃើញយ៉ាងច្បាស់នៅក្នុងប៉ុន្មានសប្តាហ៍ថ្មីៗនេះ ក្រោយរឿងរ៉ាវជាច្រើនបានកើតឡើងបែបប្រឆាំងនិងគាត់ ហើយករណីនេះហាក់ដូចជាបានបង្កើនពាក្យចចាមអារ៉ាមថាគាត់នឹងចាកចេញពីទីក្រុង Turin នៅរដូវក្តៅនេះ។
ខ្សែប្រយុទ្ធព័រទុយហ្កាល់បានខឹងយ៉ាងខ្លាំងក្នុងការប្រកួតមួយចំនួន។ ស្របពេល Juventus កំពុងតែរបូតពាន Seier A ពីដៃរបស់ខ្លួន ហើយចំណាត់ថ្នាក់ក្នុងលីគក៏មិនល្អទៀតនោះ អនាគតរបស់គាត់នៅក្រុមសេះបង្កង់កំពុងតែវិលវល់។
ការវិលត្រលប់ទៅ Manchester United ជាករណីអាចទៅរួច
ជម្រើសក្នុងការវិលត្រឡប់ទៅកាន់ Real Madrid មិនអាចទេ ពីព្រោះលោក Florentino Perez បានបញ្ជាក់ហើយ ដូច្នេះ Cristiano កំពុងពិចារណាលើជម្រើសផ្សេងទៀត។ យោងតាមសារព័ត៌មាន La Gazzetta dello Sport បានឲ្យដឹងថាក្លឹបបិសាចក្រហម Manchester United នឹងក្លាយជាកន្លែងមួយដែលកីឡាករនឹងផ្ទេរទៅហើយលោក Jorge Mendes កំពុងពិចារណា និងធ្វើការលើការផ្ទេរទៅកាន់ទឹកដី Old Trafford ។
កាសែតនិងបណ្ដាញសារព័ត៌មានរបស់អ៊ីតាលីបាននិយាយថា ក្លិបយក្សនៃក្របខ័ណ្ឌ Premier League និងសមាជិកនៃក្របខ័ណ្ឌ Super League ដែលបរាជ័យរួចទៅហើយនោះ កំពុងពិចារណាលើការផ្ទេរ ហើយគ្រូបង្វឹកលោក Ole Gunnar Solskjaer បានផ្តល់ភ្លើងខៀវដល់គំនិតនេះផងដែរ។
ទោះយ៉ាងណាក៏ដោយ! មានឧបសគ្គមួយចំនួនរាំងខ្ទប់នៅក្នុងវិធីនៃកិច្ចព្រមព្រៀងនេះ។ ទីមួយប្រាក់ខែរបស់ Cristiano ដែលគាត់នឹងត្រូវកាត់បន្ថយដើម្បីត្រឡប់ទៅ Manchester (បើចង់មក Man Utd ត្រូវកាត់បន្ថយប្រាក់ឈ្នួល)។ ទីពីរគឺឆន្ទៈរបស់ Juventus ក្នុងការអនុញ្ញាតឱ្យគាត់ចាកចេញក្នុងតម្លៃដើម។ លោក Mendes កំពុងធ្វើការក្នុងគោលបំណងឲ្យការផ្ទេរនេះកើតឡើង។Ronaldo ទទួលបានសំណាងមិនល្អសោះ ក្នុងនាមជាសមាជិកនៃក្រុមសេះបង្កង់ Juventus ដែលមិនបានឈ្នះពានអ្វីសោះជាលើកដំបូងចាប់តាំងពីឆ្នាំ 2011 ហើយពានរង្វាន់ Serie A ក្នុងឆ្នាំនេះនឹងរបូតទៅដៃ Inter Milan ទៅហើយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
