លោក Florentino Perez: Vinicius មិនមែនជាកីឡាករសម្រាប់លក់ទេ! អ្នកមានលុយក៏ទិញមិនបានដែរ
ខ្សែប្រយុទ្ធស្លាបរូបនេះត្រូវបានផ្សារភ្ជាប់ជាមួយនឹងការផ្ទេរទៅ PSG ដែលអាចជាផ្នែកមួយនៅក្នុងកិច្ចព្រមព្រៀងដោះដូរសម្រាប់ Kylian Mbappe ។តែយ៉ាងណា! Viniciusនឹងបន្តនៅ Real Madrid ។
អ្វីដែលច្បាស់លាស់ប្រធានក្លិប Real Madrid លោក Florentino Perez បានច្រានចោលការលក់កីឡាករតាមប្រភេទ។ ប្រធានក្លិបរូបនេះនិយាយយ៉ាងច្បាស់ហើយនៅពេលសួរថាតើលោក Vinicius អាចនឹងចាកចេញពី Real Madrid នៅរដូវក្តៅនេះ។
គាត់បាននិយាយនៅលើ El Chiringuito ថា ៖"Vinicius មិនមែនសម្រាប់លក់ទេ។ អ្នកក៏មិនអាចទិញគាត់បានដែរ" ។
“ Vinicius Junior គឺមិនអាចផ្លាស់ប្តូរបានទេ។ គាត់ក៏មិនចាកចេញពី Real Madrid ដែរប្រសិនបើ PSG ស្នើសុំ Vinicius [ក្នុងកិច្ចព្រមព្រៀងMbappé]” ។
កីឡាករសញ្ជាតិប្រេស៊ីលកំពុងបង្ហាញទម្រង់លេងល្អឡើងវិញហើយក្នុងមួយរយៈចុងក្រោយនេះ បន្ទាប់ពីចំណាយពេលលើទីលានដ៏ច្រើនតែធ្វើមិនបានល្អកាលពីដំបូងៗ។ ការស៊ុតបញ្ចូលទី២គ្រាប់ទល់ Liverpool និងជួយក្លិបបានច្រើនក្នុងមួយរយៈចុងក្រោយនេះ រូបគេរកបាសន
ពន្លឺនៃអាជីពជាថ្មីក្រោមការដឹកនាំរបស់លោក Zidane។
កាលពីដើមខែនេះមានពាក្យចចាមអារាមថា Vinicius អាចនឹងត្រូវបានប្រើនៅក្នុងកិច្ចព្រមព្រៀងដោះដូរជាមួយ PSG ដើម្បីទទួល Kylian Mbappe ទោះបីជាកីឡាកររូបនេះចង់ស្នាក់នៅជាមួយក្លិបក៏ដោយ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
