ផ្លូវការ៖ Tottenham ដកតំណែងលោក Jose Mourinho បាត់ហើយ!
លោក Jose Mourinho ត្រូវបានក្លឹប Tottenham Hotspur បណ្តេញចេញពីតំណែងផ្លូវការហើយនៅល្ងាចនេះខណៈដែលមូលហេតុនៃការបណ្ដេញចេញក៏បានបង្ហាញឲ្យដឹងពីកាសែតនានាផងដែរ។
ក្រុមមាន់ខ្នាយមាស Tottenham មិនដែលឈ្នះសោះក្នុង ៣ ប្រកួតចុងក្រោយនៃលីគកំពូលអង់គ្លេស និងឈ្នះតែ ១ ប៉ុណ្ណោះក្នុងចំណោម ៦ ប្រកួតចុងក្រោយរបស់ពួកគេ។
លោក Jose បានកាន់កាប់ក្លិបនេះក្នុងនាមជាអ្នកចាត់ការនៅខែវិច្ឆិកាឆ្នាំ ២០១៩ ហើយអាចគ្រប់គ្រងបានចំណាត់ថ្នាក់ទី ៦ ជាមួយពួកគេកាលពីរដូវកាលមុន។
បន្ទាប់ពីចំណាយប្រាក់យ៉ាងច្រើននៅរដូវក្តៅនេះ លោក Jose មិនអាចជួយពួកគេឱ្យប្រកួតប្រជែងយ៉ាងខ្លាំងនៅក្នុងក្របខ័ណ្ឌ Premier League បានទេ ខណៈដែល Spurs ស្ថិតនៅចំណាត់ថ្នាក់ទី ៧ ដោយមាន ៥ ពិន្ទុនៅពីក្រោយក្រុមកំពូលតារាងទាំង៤ ។
គាត់បានរងនូវការបរាជ័យចុងក្រោយរបស់គាត់ក្នុងនាមជាគ្រូបង្វឹករបស់ Spurs ទៅកាន់ Man United នាពេលថ្មីៗនេះនៅពេលដែលក្រុមបិសាចក្រហមបានយកឈ្នះដោយលទ្ធផល ៣-១ ដើម្បីដាក់សម្ពាធលើគាត់។ តែយ៉ាងណា! មូលហេតុនៃការបណ្ដេញចេញនេះពីព្រោះលោក មិនពេញចិត្តជាមួយនឹងការបង្កើតពានរង្វាន់ Super League ថ្មីដែលក្លិបចូលដៃចូលជើងជាមួយក្លិបធំទាំង៥ទៀតក្នុងលីគកំពូលអង់គ្លេស។
លោកបានបដិសេធមិននាំក្រុមកីឡាករទៅហ្វឹកហាត់ត្រៀមប្រកួតនានា ពិសេសការប្រកួតវគ្គផ្ដាច់ព្រ័ត្រពាន League Cup ជាមួយ Manchester City ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
