ចេញអាការៈចម្លែកទាំង ៧ នេះ មានន័យថាអ្នកកំពុងខ្វះខាតវីតាមីន និងប្រូតេអ៊ីនចាំបាច់ជាច្រើន
ការបរិភោគអាហារ គឺជាកត្តាដ៏សំខាន់មួយសម្រាប់ជីវិតរបស់មនុស្សម្នាក់ៗ ព្រោះនិយាយពីគុណប្រយោជន៍និងគុណវិបត្តិដល់រាងកាយគឺវាហ្នឹងហើយជាអ្នកកំណត់។ បើអ្នកទទួលទានអាហារមិនល្អចូលទៅក្នុងខ្លួន នោះប្រៀបបាននឹងកំពុងសន្សំជំងឺពីតូចទៅធំដូចគ្នា។
យ៉ាងណាបើសួរថា តើធ្វើបែបណាទើបដឹងថាយើងបរិភោគអាហារមិនល្អ? តោះមកតាមដានដោយឃ្លាំមើលអាការៈឬសញ្ញាចម្លែកទាំង ៧ ដូចខាងក្រោម៖
៧) សក់មិនភ្លឺរលោង
សក់ពណ៌រាងស្រអាប់ៗ មិនសូវភ្លឺ នោះក៏ជាសញ្ញាបង្ហាញយ៉ាងច្បាស់ដែរថា របបអាហារដែលអ្នកទទួលទានគឺមានភាពមិនត្រឹមត្រូវ។ អ្នកកំពុងតែខ្វះជាតិប្រូតេអ៊ីន និងសារធាតុរ៉ែយ៉ាងខ្លាំង។ ចូរទម្លាប់ទទួលទានឲ្យបានច្រើននៅតៅហ៊ូ និងសណ្តែក។
៦) ស្បែកឡើងរមាស់
មានន័យថា អ្នកកំពុងមានកង្វះខាតនូវវីតាមីន A តែនេះមិនបានណែនាំឲ្យអ្នកទិញថ្នាំមានជាតិវីតាមីន A មកទទួលទាននោះទេ។
ផ្ទុយទៅវិញអ្នកគួរជ្រើសរើសយកការទទួលទានឲ្យបានត្រឹមត្រូវ ដូចជាការបរិភោគផ្លែក្រូច និងបន្លែមួយចំនួនផ្សេងទៀតជាដើម។
៥) អារម្មណ៍ច្របូកច្របល់
សុខៗមានអារម្មណ៍ថាទទួលសំឡេងរំខាន សំឡេងខ្លាំងៗលាន់ក្នុងខ្លួន នោះមិនមែនមកពីសម្ពាធការងារទេ។ ផ្ទុយទៅវិញមកពីអ្នកខ្វះខាតការទទួលទាននូវសាច់ត្រី ពោលគឺដោយសារកង្វះខាតនូវខ្លាញ់អូមេហ្គា ៣ នាំឲ្យលំហូរឈាមដំណើរការមិនបានល្អ។
៤) ការទល់លាមក
នោះដោយសារតែអ្នកទទួលទានអាហារដែលមានជាតិសរសៃ (Fiber) តិចពេក។ បែបនេះគួរតែទម្លាប់ទទួលទានបន្លែផ្លែឈើដែលមានជាតិសរសៃយ៉ាងហោចណាស់ ២៥ ក្រាម/ថ្ងៃ ហើយផឹកទឹកឲ្យបានច្រើន។
៣) បេះដូងលោតមិនសូវល្អ
អ្នកបេះដូងរបស់អ្នកលោតច្រើនជាង ១០០ ០០០ ដង/ថ្ងៃ ប៉ុន្តែត្រូវសង្កេតមើលបើសុខៗវាលែងលោត ឬលោតញាប់ ហើយសកម្មភាពបែបហ្នឹងកើតឡើងញឹកញាប់ទៀតនោះ វាក៏ជាសញ្ញាមិនល្អមួយដែរ។
ហេតុផលមិនមែនមកពីអ្នកធ្វើសកម្មភាពអ្វីខ្លាំងពេកនោះទេ តែក៏អាចមកពីកត្តាអាហារ ពោលគឺអ្នកខ្វះជាតិប៉ូតាស្យូម ដោយដំណោះស្រាយគឺត្រូវផឹកទឹកក្រូចច្របាច់ ២-៣ កែវក្នុងមួយថ្ងៃ ហើយពេលព្រឹកទម្លាប់ទទួលទានផ្លែចេក ១-២ ផ្លែ រីឯអាហារសម្រន់គួរជ្រើសរើសប្រភេទគ្រាប់ស្វាយចន្ទី គ្រាប់ល្ពៅជាដើម។
២) ភ្លេចភ្លាំងច្រើន
នេះដោយសារអ្នកមានកង្វះខាតនូវវីតាមីន B6 និង B12 ដែលទទួលបានពីសាច់ និងអាហារសមុទ្រមួយចំនួន។ បែបហ្នឹងគួរប៉ះប៉ូវរបស់ទាំងនេះឲ្យច្រើនបន្តិច តែកុំច្រើនហួសប្រមាណ។
១) ឈឺអញ្ចាញធ្មេញ
ប្រសិនបើមានអាការៈរលាកអញ្ចាញធ្មេញ ឬហើមធ្មេញញឹកញាប់ នោះមកពីកង្វះនូវបាក់តេរីដែលមានប្រយោជន៍។ ចង់ទទួលបានវា អ្នកត្រូវជ្រើសរើសយកការបរិភោគទឹកដោះគោជូរ (Yogurt) នៅពេលព្រឹកព្រលឹម៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
