ខាងក្រោមនេះ ជាសញ្ញាបង្ហាញថា អ្នកជាមនុស្សដែលមានភាពចាស់ទុំច្រើនហើយ
មហិច្ឆតាកាន់តែធំ ធ្វើឱ្យមនុស្សនៅសល់ភាពស្មោះត្រង់កាន់តែតិច។ ប៉ុន្តែវាក៏នៅល្អជាងមនុស្សដែល មានភាពលោភលន់កាន់តែខ្លាំង ពួកគេនឹងកាន់តែលែងខ្វល់ពីអ្នកដទៃ អ្វីដែលពួកគេមាន គឺមានតែភាពអាត្មានិយម កាន់តែចង់មានចង់បាន នឹងកាន់តែមានភាពច្រណែនឈ្នានីសជាមួយនឹងអ្នកដែលនៅក្បែរខ្លួន មើលឃើញអ្វីដែលអ្នកដទៃគេមានគេបាន កាន់តែធ្វើឱ្យខ្លួនឯងបាត់បង់ភាពជាម្ចាស់ការ ហើយក៏កាន់តែមានអារម្មណ៍ក្ដៅក្រហាយជាមួយនឹងអ្នកដទៃ។
យ៉ាងណាមិញ មនុស្សខ្លះ នៅពេលដែលខ្លួនមានបាន បបូរហូរហៀរ ក៏ចាប់ផ្ដើមតម្លើងឫក អំនួតអួតអាង ប៉ុន្តែប្រសិនបើអ្នកជាមនុស្សកាន់តែចាស់ទុំ ដឹងខុសដឹងត្រូវច្រើនហើយ ការអួតអាងសម្ញែងគ្នា វាលេងជាចំណូលចិត្តរបស់អ្នកទៀតហើយ។ មនុស្សខ្លះ កើតចិត្តប្រកួតប្រជែង តែងតែគិតថាខ្លួនមានច្រើនជាងអ្នកដទៃ តែសម្រាប់អ្នកដែលមានភាពចាស់ទុំ និងចេះគិត រឹតតែគិតថាខ្លួននៅខ្វះខាត មានច្រើនយ៉ាងណា ក៏រក្សាភាពស្ងៀមស្ងាត់ មិនសម្ញែងអួត ប្រកួតប្រជែងប្រណាំងសម្ភារនិយមជាមួយអ្នកណាម្នាក់នោះឡើយ។
មនុស្សដែលមានភាពចាស់ទុំ រមែងមានចរិតស្លូតបូត ចេះអធ្យាស្រ័យ មិនប្រកួតប្រជែងនឹងជីវិតអ្នកដទៃទេ តែងតែមានចំណេះដឹងទូលំទូលាយ មិនអួតអាង អំនួតលើរូបភាពមានបានបន្តិចបន្តួចនោះដែរ។ ផ្ទុយទៅវិញមនុស្សដែលមានចរិតក្រអឺតក្រទមគឺជាមនុស្សដែលបំផ្លាញខ្លួនឯងទៅវិញទេ។
ពីអតីតកាលដល់បច្ចុប្បន្ន មិនបំប៉ោង អួតអ្នកដទៃ គឺជាឥរិយាបថដ៏ល្អ និងថ្លៃថ្នូរបំផុត។ មនុស្សខ្លាំងពិតប្រាកដ តែងតែធ្វើអ្វីៗដោយស្ងៀមស្ងាត់ ពួកគេចេះផ្លាស់ប្តូរ ពួកគេត្រូវបានបម្រុងទុក ហើយពួកគេដឹងពីរបៀបពិចារណា និងជ្រើសរើសឱ្យកាន់តែត្រឹមត្រូវ។ មនុស្សដែលមាន តែចូលចិត្តអួតអាង និងតែងតែកើតចិត្តច្រណែននឹងអ្នកដទៃ គឺជាមនុស្សដែលខ្វះខាតបំផុត ក៏ជាអ្នកក្រជាងគេផងដែរ។
មនុស្សដែលមានភាពចាស់ទុំកាន់តែច្រើន ការអួតខ្លួនក៏កាន់តែតិច៖
1. ធ្វើពុតជាអ្នកក្រ ជាជាងបង្ហាញទ្រព្យសម្បត្តិអ្នក ដើម្បីសម្ញែងឱ្យអ្នកដទៃឃើញ។ ត្រូវចាំថា គ្មានអ្នកណាចូលចិត្ត និងគោរពមនុស្សពូកែអួតនោះឡើយ។
២- ការច្រណែននឹងអ្នកដទៃ ឈ្នានីសជីវិតគេ នឹងធ្វើឱ្យអ្នកកាន់តែបាត់បង់មនុស្សជុំវិញខ្លួនឯង។
3- អ្នកមានពិត តែងតែរក្សាភាពស្ងប់ស្ងាត់ មិនលោភលន់ មិនអួតខ្លួនខ្លាំងជាងអ្នកដទៃទេ។ មនុស្សប្រភេទនេះ ទើបហៅថាជាអ្នកមានដ៏ពិតប្រាកដ។
4- ភាពទន់ខ្សោយ និងភាពល្ងង់ខ្លៅ មិនមែនជាឧបសគ្គក្នុងការរស់រានទេ តែជាមោទកភាពទៅវិញ។ នៅពេលដែលមនុស្សម្នាក់មានអារម្មណ៍ថាខ្លួនមានឋានៈខ្ពស់ជាងអ្នកដទៃ តែបែរជាបង្ហាញពីភាពសាមញ្ញ បុគ្គលនោះហើយ ទើបជាមនុស្សដែលគួរឱ្យគោរពបំផុត៕
អត្ថបទ ៖ PH Knongsrok / ក្នុងស្រុកសូមរក្សាសិទ្ធិ
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖
Tel:
ព័ត៌មានថ្មីៗ
