អតីតខ្សែបម្រើ Man Utd ម្នាក់ថា៖«Jadon Sancho នឹងមិនរារាំងការរីកចម្រើនរបស់ Greenwood ទេ»
Sancho នៅតែបន្តផ្សារភ្ជាប់ជាមួយនឹងការផ្ទេក្នុងទីផ្សារដោះដូរកីឡាករក្នុងរដូវក្តៅនេះទៅកាន់ទឹកដី Old Trafford ។អតីតខ្សែបម្រើបិសាចក្រហមជំនាន់ទសវត្សឆ្នាំ៩០ Sharpe មានជំនឿចិត្តថា Greenwood នៅតែរីកចម្រើនទោះបីជាត្រូវអង្គុយកៅអីបម្រុងពីមួយពេលទៅមួយពេលក៏ដោយ។
ថ្លែងទៅកាន់វេបសាយភ្នាល់បាល់ស្របច្បាប់របស់ចក្រភពអង់គ្លេស William Hill លោក Lee Sharpe អតីតកីឡាកររបស់កីឡដ្ឋាន Old Trafford បាននិយាយថា៖ "ខ្ញុំគិតថាអ្នកមិនគួររើសពេកទេ។ខ្ញុំគិតថា Jadon Sancho -គាត់នៅក្មេងណាស់ - តែគាត់ជាកីឡាករដែលមានបទពិសោធរួចហើយ។
“ ខ្ញុំគិតថាគាត់នឹងបន្ថែមគុណភាពដល់ក្រុម។គាត់ជាកីឡាករដេលមានគុណភាពបំផុតបើប្រៀបធៀបកីឡាករក្នុងលីគទាំងអស់ដែលលេងក្នុងតំណែងនេះ។ សមត្ថភាពក្នុងការបង្កើតឱកាស និងរកគ្រាប់គឺពិតជាអស្ចារ្យ ហើយខ្ញុំគិតថាវិធីដែល Man United លេងវាយបកលឿនៗ គឺគាត់ពិតជាគ្រោះថ្នាក់ណាស់"។
"ហើយខ្ញុំគិតថាវាមិនបានធ្វើឱ្យខូចខាតដល់ការរីកចម្រើនរបស់ Mason Greenwood ទេ។ ខ្ញុំគិតថា Mason សុខសប្បាយពេលនៅ និងក្រៅក្រុម ខណៈពេលដែលគាត់នៅក្មេង។ កីឡាករផ្សេងគ្នានាំមកនូវបញ្ហាផ្សេងៗគ្នា ហើយអ្នកត្រូវការដំណោះស្រាយផ្សេងៗគ្នា"។
ការផ្លាស់ប្តូររដូវក្តៅរបស់ Sancho ពីក្របខ័ណ្ឌ Bundesliga ទៅ Old Trafford នៅតែអាចធ្វើទៅបាន នេះបើយោងតាមការធ្វើបច្ចុប្បន្នភាពចុងក្រោយរបស់ Fabrizio Romano ។
ទោះយ៉ាងណាកិច្ចព្រមព្រៀងនេះនឹងកើតឡើងបានលុះត្រាតែ Borussia Dortmund កាត់បន្ថយថ្លៃស្នើសុំរបស់ពួកគេសម្រាប់តម្លៃខ្លួនកីឡាករជម្រើសជាតិអង់គ្លេសត្រឹម៨០ លានផោន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
