ស្ថិតិទាំងនេះបង្ហាញថាបងប្រធាន Maguire ក្លាយជាកីឡាករសំខាន់បំផុតរបស់បិសាចក្រហមរួចទៅហើយ
ប្រធានក្រុមរូបនេះមានវត្តមានរហូតតែម្ដងចាប់តាំងពីផ្លាស់ទៅ Old Trafford គិតគ្រាប់ការប្រកួត ហើយតាមពិត Maguire មិនទាន់ខកខានការប្រកួតបាល់ទាត់ Premier League មួយនាទីនៅឡើយទេ។
Harry Maguire បានខកខានការប្រកួតកាលពីថ្ងៃព្រហស្បតិ៍ពេលជួប Granada ដោយសារការជាប់ពិន័យ ប៉ុន្តែខ្សែការពាររូបនេះនឹងត្រលប់មកវិញសម្រាប់ការប្រកួតក្របខ័ណ្ឌ Premier League ទល់នឹង Burnley នៅថ្ងៃអាទិត្យនេះ។
កីឡាករវ័យ ២៨ ឆ្នាំរូបនេះគឺជាផ្នែកសំខាន់មួយនៅ Old Trafford ក្រោមការដឹកនាំរបស់លោក Ole Gunnar Solskjaer ចាប់តាំងពីចូលរួមជាមួយ Manchester United ពី Leicester City នារដូវក្តៅឆ្នាំ ២០១៩ ក្នុងតម្លៃ ៧០ លានផោន។
ជាការពិតកីឡាករអន្តរជាតិអង់គ្លេសរូបនេះ លេងគ្រប់នាទីនៃបាល់ទាត់លីគកំពូលអង់គ្លេសចាប់តាំងពីរូបគេបានបង្ហាញខ្លួនជាលើកដំបូងរបស់ Man United ក្នុងជ័យជម្នះ ៤-០ ទល់នឹងក្រុមតោខៀវ Chelsea នៅទឹកដី Old Trafford កាលពីថ្ងៃទី ១១ ខែសីហាឆ្នាំ២០១៩។
នៅក្នុងរដូវកាល មុនពេល Maguire មកចូលរួមជាមួយក្រុម Man United បានរបូតគ្រាប់បាល់គិតជាមធ្យម ១,៤២ គ្រាប់ក្នុងមួយប្រកួតនៃក្របខ័ណ្ឌ Premier League។
ប៉ុន្តែក្នុងរដូវកាលគិតលើ២៨ប្រកួតចុងក្រោយ នៃលីកកំពូលរបស់អង់គ្លេស United បានទទួលស្គាល់ថាពួកគេរបូតគ្រាប់បាល់គិតជាមធ្យមមានតែ ០,៨២ គ្រាប់ប៉ុណ្ណោះក្នុងមួយប្រកួត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
