Man Utd ត្រៀមខ្លួនរួចរាល់ដើម្បីប្រើប្រាសវិធីសាស្រ្តនេះឲ្យ Jesse Lingard ទៅលេងនៅ West Ham
កីឡាកររបស់ Manchester United បាននិយាយឲ្យ Declan Rice ទៅចូលរួមជាមួយពួកគេនៅ Old Trafford ត្រូវបានគេទម្លាយហើយ ខណៈដែលកាសែតAthletic បានឲ្យដឹងថាកីឡាកររបស់ Man Utd បាននិយាយជាមួយ Rice អំពីលទ្ធភាពផ្ទេរទៅ Man Utd។
ខ្សែបម្រើរបស់ក្រុម West Ham រូបនេះកំពុងបង្ហាញទម្រង់លេងល្អក្នុងរដូវកាលនេះ ប៉ុន្តេគាត់អាចនឹងផ្ទេរចេញពេលដែលទីផ្សារដោះដូរកីឡាករពេលចប់រដូវកាលនេះបើកឡើងវិញ។ អំឡុងពេលបោះជំរំហ្វឹកហាត់ជាមួយគ្នាក្នុងជម្រើសជាតិអង់គ្លេស អនុប្រធានក្រុម West Ham រូបនេះ បាននិយាយជាមួយកីឡាករក្រុមបិសាចក្រហមនៅជំរុំអង់គ្លេស។
អ្នកចាត់ការទូទៅរបស់ក្រុមបិសាចក្រហមលោក Ole Gunnar Solskjaer បានត្រៀមខ្លួនរួចជាស្រេច ដើម្បីស្វែងរកលទ្ធភាពក្នុងការចុះហត្ថលេខាលើតារាឆ្នើមរបស់ញញួរធំម្នាក់នេះ ហើយអ្វីដែលអាចទៅរួចនោះគឺថា West Ham ដែលចង់បាន Jesse Lingard ស្រាប់ផងនោះ បានធ្វើឲ្យ Man Utd រកឃើញវិធីសាស្រ្តថ្មីមួយនេះ។
West Ham ធ្លាប់និយាយថាបើក្លិបណាមួយចង់បាន Rice ទៅលេងត្រូវចំណាយលុយ១០០លានផោន ប៉ុន្តែទន្តឹមនឹងពេលដែលពួកគេចង់បាន Jesse Lingard ពី Man Utd ក្រោយចប់កុងត្រាខ្ចីជើងនោះ ពួកគេអាចនឹងបន្ទន់ឥរិយាបទបន្តិចហើយ។ ក្រុមបិសាចក្រហម Manchester United ត្រូវបានគេរំពឹងថានឹងស្វែងយល់ពីលទ្ធភាពនៃការប្រើប្រាស់ Lingard មកបន្ថែមទម្ងន់ឲ្យ West Ham United យល់ព្រមដោះដូរ Declan Rice មក Old Trafford វិញ។
Ole Gunnar Solskjær មានចំណាប់អារម្មណ៍ខ្លាំងទៅលើ Rice ហើយគាត់ត្រូវបានគេមើលឃើញថា ជាកីឡាករជំនួសខ្សែបម្រើវ័យកាន់តែជ្រេ Nemanja Matic រយៈពេលវែងផងដែរ។
បិសាចក្រហមនឹងដោះស្រាយស្ថានការណ៍តឹងតែងមួយចំនួននៅរដូវក្តៅនេះ(ទីផ្សារដោះដូរកីឡាករខាងមុខ) ហើយវិធីសាស្រ្តនេះអាចកើតឡើងទៅបាន ក៏នឹងអាស្រ័យ លើវឌ្ឍនភាពដែលពួកគេធ្វើលើគោលដៅក្នុងមុខតំណែងផ្សេងទៀតដែរ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
