អត់បើកប្រាក់ឈ្នួលឲ្យ៣ខែជាប់គ្នា កីឡាករ Sabah FC ធ្វើពហិការមិនទៅហ្វឹកហាត់
អ្នកគាំទ្របាល់ទាត់ក្នុងប្រទេសម៉ាឡេស៊ីមានការភ្ញាក់ផ្អើលជាថ្មីម្តងទៀត ចំពោះបញ្ហាប្រាក់បៀវត្សរ៍ឬប្រាក់ខែនៅពេលដែលក្លិប Sabah FC ត្រូវបានគេនិយាយថាមិនបានបើកប្រាក់ខែដល់កីឡាកររបស់ពួកគេ អស់រយៈពេល ៣ ខែមកហើយចាប់តាំងពីខែកុម្ភៈមកម្ល៉េះ។
ព័ត៌មាននេះត្រូវបានលាតត្រដាងដោយទំព័រធ្វីតធឺ ដែលគ្រប់គ្រងដោយក្រុមអ្នកគាំទ្រដ៏ស្មោះត្រង់របស់ក្លិប Sabah FC គឺSabahRhinos។ កីឡាកររបស់ Sabah FC ត្រូវបានគេរាយការណ៍ថាបានធ្វើពហិការមិនចូលរួមហ្វឹកហាត់នៅរសៀលនេះហើយបានបន្តត្រឡប់ទៅផ្ទះរៀងៗខ្លួន។ វាក៏ជះឥទ្ធិពលដល់ការរៀបចំរបស់ពួកគេសម្រាប់ការប្រកួត Super League ជាមួយក្រុម Penang FC នៅថ្ងៃអាទិត្យនេះ។
Update: Players boikot training. Jam 4pm start, lepak2 kejap lepas jam 4.40pm pulang. Ya la 3 BULAN GAJI BELUM MASUK LAGI. How???!!
— SabahRhinos (@sabahrhinos) April 8, 2021
អ្វីដែលគួរឱ្យភ្ញាក់ផ្អើលជាងនេះទៅទៀតនោះគឺគ្រូបង្វឹកក្រុម Sabah FC លោក Kurniawan Dwi Yulianto និងគ្រូបង្វឹកក៏មិនបានទទួលប្រាក់ខែរបស់លោកអស់រយៈពេល ៤ ខែមកហើយ ហើយស្ថានភាពបានបង្កឱ្យមានការខឹងសម្បារក្នុងចំណោមអ្នកគាំទ្រក្រុមរួមទាំងមកពីប្រទេសឥណ្ឌូនេស៊ីផងដែរ។
ទោះយ៉ាងណា!នេះគ្រឆាន់តែជាការសរសេរអំពីផេកអ្នកគាំទ្រ ហើយមិនទាន់មានសេចក្តីថ្លែងការណ៍ផ្លូវការណាមួយពីថ្នាក់ដឹកនាំរបស់ Sabah FC នៅឡើយទេហើយបញ្ហានេះមិនគួរកើតមានឡើយក្នុងការប្រកួតលីកដែលដំណើរបានច្រើនប្រកួតមកហើយ។
Wawwww 3 bulan, kayaknya ini penyebab Sabah melempem di Liga 😅 https://t.co/Jvx0W6hly5
— Liga Indonesia (@seputarligina) April 8, 2021
មុនរដូវកាលថ្មីចាប់ផ្តើមវាត្រូវបានគេ ថាក្រុមលីគកំពូលម៉ាឡេស៊ីចំនួន ៥ មានបញ្ហាក្នុងការបើកប្រាក់ខែ ហើយវាអាចទៅរួចដែលថា Sabah FC គឺជាក្រុមមួយក្នុងចំណោមក្រុមទាំងនោះ។
សមាគមកីឡាបាល់ទាត់ម៉ាឡេស៊ី (FAM) កាលពីពេលថ្មីៗនេះត្រូវបានគេរាយការណ៍ថា មិនបានធានាថាការធ្វើឯកជនភាវូបនីយកម្មនឹងដោះស្រាយបញ្ហានៃប្រាក់បំណាច់ខែដែលបានញាំញីលីគកំពូលម៉ាឡេស៊ីនោះទេ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
