FIFA ប្រកាសព្យួរសហព័ន្ធកីឡាបាល់ទាត់ប៉ាគីស្ថានក្រោយជនទីបីឡើងកាន់កាប់ទីស្នាក់ការ និងគ្រប់គ្រងទំព័រហ្វេសបុករបស់ PFF ខុសច្បាប់
ការិយាល័យរបស់ក្រុមប្រឹក្សា FIFA បានព្យួរសហព័ន្ធបាល់ទាត់ប៉ាគីស្ថាន (PFF) ជាធរមានភ្លាមៗដោយសារការជ្រៀតជ្រែកពីភាគីទីបីដែលជាការរំលោភយ៉ាងធ្ងន់ធ្ងរលើលក្ខន្តិកៈរបស់ FIFA ។
ស្ថានភាពនេះត្រូវបានកើតឡើងដោយក្រុមបាតុករមួយក្រុមឡើងកាន់កាប់ទីស្នាក់ការកណ្តាលរបស់ PPF នៅក្រុង Lahore ហើយបុគ្គលម្នាក់ដែលស្ថិតនៅក្រៅរង្វង់ការទទួលស្គាល់ពីន FIFA បានដកសេចក្តីសម្រេចតែងតាំងគណៈកម្មាធិការធ្វើប្រក្រតីភាពរបស់ PPF ដែលកាន់នកាប់ដោយលោក Haroon Malik ហើយឲ្យលោក Syed Ashfaq Hussain Shah កាន់កាប់ជំនួសវិញ។
FIFA បានចេញលិខិតព្រមានថា ប្រសិនបើការកាន់កាប់មិនស្របច្បាប់របស់ទីស្នាក់ការ PPF មិនត្រូវបានបញ្ឈប់ទេ ហើយអ្នកកាន់ការិយាល័យដែលត្រូវបានទទួលស្គាល់ដោយ FIFA មិនត្រូវបានអនុញ្ញាតឱ្យចូលអគារដោយសេរី ដើម្បីអនុវត្តអាណត្តិរបស់ពួកគេទេ បញ្ហានេះនឹងត្រូវបញ្ជូនទៅការិយាល័យក្រុមប្រឹក្សាសម្រេចចិត្ត។
នៅពេលដែលស្ថានភាពនៅតែមិនផ្លាស់ប្តូរការិយាល័យនៃក្រុមប្រឹក្សាបានសំរេចព្យួរ PFF ហើយ ។ ការព្យួរនេះនឹងត្រូវលើកលែងវិញ នៅពេលដែល FIFA ទទួលបានការបញ្ជាក់ពីគណៈកម្មាធិការធម្មតានៃ PFF ថាទីតាំងគណនេយ្យរដ្ឋបាល និងបណ្តាញទំនាក់ទំនងរបស់ PFF ស្ថិតនៅក្រោមការគ្រប់គ្រងពេញលេញរបស់ខ្លួន ហើយវាអាចបន្តអនុវត្តអាណត្តិរបស់ខ្លួនដោយគ្មានឧបសគ្គបន្ថែមទៀត៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
