ខ្សែប្រយុទ្ធក្លិប Chiangrai United ត្រូវ AFC ពិន័យមិនឲ្យប៉ះពាល់សកម្មភាពបាល់ទាត់៤ឆ្នាំដោយសារប្រើសារធាតុញៀនក្នុងការប្រកួត
សហព័ន្ធកីឡាបាល់ទាត់អាស៊ី AFC បាននិយាយកាលពីថ្ងៃអង្គារថា ពួកគេបានហាមឃាត់ខ្សែប្រយុទ្ធ Chiangrai United ពីសកម្មភាពទាក់ទងនឹងបាល់ទាត់អស់រយៈពេល ៤ ឆ្នាំបន្ទាប់ពីគាត់បានរំលោភបទបញ្ជាប្រឆាំងគ្រឿងញៀនក្នុងកីឡា ( violated anti-doping regulations)។
AFC បាននិយាយថាកីឡាករប្រេស៊ីលមានឈ្មោះពេញថា Jakson Avelino Coelho ត្រូវបានរកឃើញថាមានពិរុទ្ធពីការរំលោភបំពាន បន្ទាប់ពីការធ្វើតេស្ត នៅវគ្គចែកពូលនៃពានរង្វាន់ AFC Champions League ឆ្នាំ ២០២០ រវាងក្រុមថៃមួយនេះ និងក្រុម Melbourne Victory កាលពីថ្ងៃទី ៣០ ខែវិច្ឆិកា។
គណៈអភិបាលនៃគណកម្មការវិន័យរបស់ AFC បាននិយាយថា Jaja បានរំលោភមាត្រា ៦ នៃបទប្បញ្ញត្តិប្រើប្រាស់គ្រឿងញៀនក្នុងឆ្នាំ ២០១៩ ហើយការហាមឃាត់នេះគ្របដណ្តប់លើការប្រកួតអន្តរជាតិ ការប្រកួតក្នុងលីគ ឬខាប់ ការប្រកួតមិត្តភាព និងការប្រកួតផ្លូវការនានា។
នៅក្នុងសេចក្តីថ្លែងការណ៍មួយបាននិយាយថា៖“ AFC នៅតែប្តេជ្ញាចិត្តក្នុងការរក្សាកីឡាបាល់ទាត់ឱ្យរួចផុតពីការញៀន និងដើម្បីរក្សាភាពត្រឹមត្រូវនៃកីឡា” ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
