របួសជង្គង់ Anthony Martial ត្រូវអវត្តមានពីទីលានដល់ចប់រដូវកាលនេះ
កីឡាករ Anthony Martial អាចនឹងអវត្តមានក្នុងការប្រកួតនៅសល់ក្នុងរដូវកាលនេះ បន្ទាប់ពីត្រូវសម្រាកដោយសាររបួសជង្គង់ពេលបំពេញកាតព្វកិច្ចអន្តរជាតិជាមួយបារាំង។
លោក Ole Gunnar Solskjaer បានបញ្ជាក់ពីព័ត៌មានគួរឱ្យខកចិត្តយ៉ាងខ្លាំង មុនពេល Man United ប៉ះជាមួយ Brighton & Hove Albion នៅ Old Trafford កាលពីយប់មិញ ។ កីឡាករលេខ ៩ រូបនេះបានទទួលកាសរប៉ះទង្គិចគ្នាពេលលេងឲ្យជម្រើសជាតិបារាំងជាមួយកាហ្សាក់ស្ថានកាលពីចុងសប្តាហ៍មុន ហើយលោក Ole បានបង្ហាញថាគាត់ប្រហែលជាមិនមានសកម្មភាពសម្រាប់ការប្រកួតនៅសល់នៃយុទ្ធនាការ ២០២០/២១ នេះទេ។
"ជាអកុសល! គាត់បានរបួសជង្គង់ជាមួយបារាំង។ វាតែងតែកើតឡើងនៅពេលពួកគេទៅបំពេញកតព្វកិច្ចអន្តរជាតិ។បើអាចយើងមិនចង់ឲ្យកើតឡើងទេ ប៉ុន្តែបើបួកគេមកវិញសង្ឃឹមថានឹងរឹងមាំគ្រប់គ្រាន់"។
“ Paul [Pogba] បានលេងនៅក្នុងការប្រកួតទាំង ៣ គឺ ៣០, ៦០, ៩០ នាទី ដូច្នេះនោះគឺជាការជម្រុញមួយសម្រាប់ពួកយើង។ ការបាត់បង់ Anthony សម្រាប់អ្វីដែលនៅសេសសល់នៃរដូវកាលនេះ គឺជាការខកចិត្តខ្លាំងណាស់ ជាពិសេសនៅពេលមានរបាយការណ៍ពីប្រទេសបារាំងថាវាមិនមានអ្វីធ្ងន់ធ្ងរទេ ប៉ុន្តែវាមើលទៅអាក្រក់ណាស់"។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
