Solskjaer: បើអ្នកលេងឲ្យ United ហើយទៅចូលរួមជាមួយ Cityធ្វើអី?
លោក Ole Gunnar Solskjaer អ្នកចាត់ការទូទៅរបស់ក្រុម Manchester United ដឹងច្បាស់អំពីអ្វីដែលលោកគិតអំពីកីឡាករចូលរួមជាមួយក្រុមគូប្រជែង។
កាលពីដើមសប្តាហ៍នេះ មានព័ត៌មានត្រូវបានគេប្រកាសថាគូប្រជែង Manchester City នឹងមិនបន្តកុងត្រាឲ្យខ្សែប្រយុទ្ធស៊ុតបញ្ជូលទីច្រើនជាងគេរបស់ក្លិប Sergio Aguero ទៀតនោះទេ បន្ទាប់ពីកីឡាកររូបនេះលេងអស់រយៈពេល ១០ ឆ្នាំនៅកីឡដ្ឋាន Etihad ។ ចាប់តាំងពីការប្រកាសនេះ អ្នកខ្លះក៏បានផ្សារភ្ជាប់ខ្សែប្រយុទ្ធអាហ្សង់ទីនជាមួយនឹងការផ្លាស់ប្តូរមកOld Trafford នៅរដូវកាលក្រោយ។
នៅពេលត្រូវបានគេសួរអំពីរឿងនោះ ក្នុងអំឡុងពេលសន្និសីទសារព័ត៌មានមុនការប្រកួតជាមួយ Brighton & Hove Albion នៅថ្ងៃអាទិត្យនេះ Solskjaer បានលើកឡើងពីទស្សនៈរបស់គាត់ស្តីពីការផ្ទេររវាងគូប្រជែងផ្ទាល់នៅក្នុងបាល់ទាត់ទំនើប។
“ នៅពេលដែលខ្ញុំលេងឱ្យ Man United ប្រសិនបើក្លឹបគូប្រជែងព្យាយាមចុះកិច្ចសន្យាជាមួយខ្ញុំ ហើយខ្ញុំនឹងទៅក្លឹបគូប្រជែង តើភាពស្មោះត្រង់នៅឯណា?” ។
“ ជាការពិត! ភាពស្មោះត្រង់គឺជាគុណតម្លៃមួយដែលខ្ញុំបានទទួលក្នុងកម្រិយមួយខ្ពស់។ ដូច្នេះខ្ញុំមិនរំពឹងថា កីឡាករណាដែលធ្លាប់លេងឱ្យក្លិបអស់រយៈពេល ១០ ឆ្នាំចង់ទៅរកគូប្រជែងក្នុងស្រុកនោះទេ"។
តាំងពីក្លឹបមានមូលដ្ឋាន Manchester កើតឡើងមកមាន កីឡាករជាង 40 នាក់មានបទពិសោធន៏តំណាងទាំង United និង City ក្នុងអំឡុងពេលប្រកបអាជីព។ ក្នុងចំណោមឧទាហរណ៍ដែលលេចធ្លោជាងគេគឺ Carlos Tevez, Peter Schmeichel, Andy Cole, Brian Kidd និង Denis Law ប៉ុន្តែ Ole មានអារម្មណ៍ថា ការផ្លាស់ប្ដូររបស់កីឡាករទៅលេងនៅក្លិបគូប្រជែងរួមគ្នាគួរតែបញ្ចប់ត្រឹមនេះទៅ។
អ្នកចាត់ការរូបនេះបានរំលឹកឡើងវិញថា៖ “ ខ្ញុំដឹងថាយើងមានជំនាញវិជ្ជាជីវៈ ប៉ុន្តែនៅពេលដែលកីឡាករលេងឲ្យ Man United អ្នកមិនគួរទៅលេងនៅ Man City ទេ” ។
“ យើងមានឧទាហរណ៍រួចហើយ ខ្ញុំពិតជាមិនយល់ស្របនឹងការផ្លាស់ប្តូរទាំងនោះទេ។ ខ្ញុំមិនចង់ហៅឈ្មោះថានរណាៗទេ ប៉ុន្តែអ្នកទាំងអស់គ្នាដឹងថាអ្នកណាខ្លះចង្អុលមកកាន់ខ្ញុំ"៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
