៧ យ៉ាងមានទាំងចំណុចល្អនិងអាក្រក់ សម្រាប់មនុស្សដែលមិនសូវបែកញើស
នៅពេលដែលខ្លួនប្រាណរបស់អ្នកបែកញើស នោះនឹងធ្វើឲ្យខ្លួនប្រាណមានក្លិនមិនល្អ ជាងនេះនៅលើផ្ទៃមុខបើអ្នកបើកញើស អ្នកត្រូវសម្អាតមិនអ៊ីចឹងទេនឹងកើតមានមុន។ បើសក់វិញក៏ស្រដៀងគ្នា ពេលបើកញើសច្រើននាំឲ្យឆាប់ធំក្លិន ហើយមានអង្គែបើមិនសម្អាតបានល្អ។
យ៉ាងណាអ្នកធ្លាប់ឆ្ងល់ដែរទេ បើខ្លួនប្រាណអ្នកមិនបើកញើស តើអ្នកនឹងជួបប្រទះរឿងអ្វីខ្លះ? Knongsrok បង្ហាញ ៧ ចំណុចមានទាំងល្អនិងអាក្រក់ដូចខាងក្រោម៖
៦) អ្នកនឹងជួបបញ្ហាស្បែក
ការបើកញើសគឺស្មើនឹងបានផ្តល់សំណើមដល់ស្បែក ដូច្នេះបើស្បែកគ្មានជាតិសំណើមអ្វីសោះ នោះវានឹងឡើងស្ងួត ហើយត្រូវការការថែទាំពីរបស់ជំនួយជាចាំបាច់។ ការផលិតចេញនូវញើស អាចមានឥទ្ធិពលប្រឆាំងនូវបាក់តេរី ហើយជួយបញ្ចេញជាតិពុលមកខាងក្រៅ។
យ៉ាងណាប្រសិនអ្នកពុំបើកញើសទេ បាក់តេរីដែលទុំជាប់នៅលើស្បែក គឺបន្តនៅលើនោះដដែល ហើយវាអាចបង្កទៅជាមេរោគលើស្បែកផ្សេងៗថែមទៀតផង។
៥) មានហានិភ័យការកើតជំងឺគ្រួសក្នុងតម្រងនោម
តាមការស្រាវជ្រាវរកឃើញថា ការបែកញើសពីការធ្វើលំហាត់ប្រាណទៀងទាត់ នោះនឹងអាចនាំយកសូដ្យូមចេញពីខ្លួនបានល្អ ដែលនាំឲ្យក្រលៀននិងផ្នែកតម្រងនោមពុំមានជាប់សល់ថ្មឬគ្រួសនៅខាងក្នុង។
បែបនេះបើអ្នកឈប់បែកញើស នោះហានិភ័យនៃការកើតជំងឺគ្រួសតម្រងនោមគឺអាចកើតមានឡើងខ្ពស់ ហើយជំងឺសរសៃឈាមបេះដូងក៏ដូចគ្នា។
៤) នៅអាកាសធាតុក្តៅខ្លាំង ខ្លួនប្រាណអ្នកពិបាកនឹងចុះកម្តៅ
មុខងារចម្បងរបស់ញើសគឺធ្វើឲ្យរាងកាយរបស់អ្នកត្រជាក់ ដូច្នេះប្រសិនអ្នកពុំមានញើសទេនោះ វានឹងនាំឲ្យអ្នកឆាប់វិលមុខ រមួលក្រពើ ក្អួតចង្អោរ ហើយឡើងកម្តៅក្នុងខ្លួនខ្លាំង និងមិនងាយផ្សាំទៅភាពត្រជាក់នោះឡើយ។។ អ្នកក៏អាចទទួលរងនូវជំងឺដាច់សរសៃឈាមខួរក្បាល ដែលអាចគំរាមកំហែងដល់អាយុជីវិតថែមទៀត។
៣) អ្នកបញ្ចេញអរម៉ូនតិច ទាក់ទាញមនុស្ស
ញើសគឺបានបញ្ចេញនូវសារធាតុគីមីម្យ៉ាងឈ្មោះថា Pheromones ដែលវាដើរតួជះឥទ្ធិពលទៅខាងក្រៅរាងកាយ។ និយាយសាមញ្ញទៅ ស្រ្តីដែលត្រូវបានគេរកឃើញថាមិនមានការចេញញើស គឺទាក់ទាញភ្នែកបុរសជាងស្រ្តីដែលឆាប់បើកញើស។
ការសិក្សាមួយផ្សេងទៀតក្លិនអាវរបស់ដៃគូ ដែលក្រអូបពេលគ្មានញើស ក៏ជួយបំបាត់ភាពស្រ្តេសសម្រាប់ដៃគូម្ខាងទៀតដែរ ដូច្នេះបើអ្នកបើកញើសវាក៏ជាគុណវិបត្តិមួយដែរ នៅក្នុងចំណោមគុណសម្បត្តិដែលមាន។
២) រាងកាយរបស់អ្នកមិនមានអន្តរកម្មជាមួយអារម្មណ៍
ជាទូទៅនៅពេលអ្នកទទួលទានរបស់ហឹរ ឬក្តៅខ្លាំង រាងកាយនឹងចេញញើសមក តែបើមនុស្សអត់បែកញើស ទោះហូបរបស់ហឹរប៉ុណ្ណា ក៏មើលមិនដឹងនោះដែរ។ យ៉ាងណានេះជាចំណុចទីពីរ ដោយតាមការស្រាវជ្រាវ ស្រ្តីដែលជួបរបស់បែកញើស គឺនាំឲ្យនាងមានអារម្មណ៍ថារអើម ហើយនៅពេលដែលប៉ះគឺកាន់តែមានអារម្មណ៍មិនល្អថែមទៀត។
១) អ្នកទំនងជាចំណាយពេលតិចក្នុងការសម្រេចចិត្ត
តាមការស្រាវជ្រាវដដែលបង្ហាញថា មនុស្សដែលមិនបែកញើស គឺរមែងមានទម្លាប់ធ្វើការសម្រេចចិត្តប្រើពេលខ្លីជាងមនុស្សដែលបែកញើស។ យ៉ាងណាចំណុចនេះ វាល្អអាក្រក់ផ្អែកតាមកាលៈទេសៈដែរ ក្នុងស្ថានភាពខ្លះអាចជាហានិភ័យបើអ្នកសម្រេចចិត្តលឿន។ គ្រាន់ថានិយាយសាមញ្ញទៅ មនុស្សមិនបែកញើស គឺមានទម្លាប់សម្រេចចិត្តលើរឿងអ្វីលឿន៕
ប្រភព៖ Brightside | ប្រែសម្រួល៖ ក្នុងស្រុក
ព័ត៌មានថ្មីៗ
