ជ្រុលលេបរបស់ក្តៅ នាំឲ្យរលាកអណ្ដាត បើចង់ព្យាបាលលឿនមកសាករបស់ទាំង ៣ នេះ
ជឿថាមានមនុស្សជាច្រើនប្រាកដជាធ្លាប់បានជួប នៅពេលដែលជ្រុលលេបរបស់ក្តៅចូលពោះ ហើយឆ្លងកាត់អណ្ដាតធ្វើឲ្យរលាក ឧទាហរណ៍៖ ដូចជាផឹកកាហ្វេកំពុងក្តៅខ្លាំង ហុតទឹកស៊ុប ឬអាហារណាផ្សេងៗទៀតជាដើម។
យ៉ាងណាវាត្រូវការពេលយូរណាស់អាចចន្លោះពេលមួយថ្ងៃអីនោះ ទម្រាំតែអណ្តាតរបស់អ្នកវិលមកសភាពដើមវិញ ហើយលែងមានការឈឺចាប់។ តាមរយៈអត្ថបទនេះ Knongsrok បង្ហាញរបស់ ៣ ដែលអាចជួយពន្លឿនព្យាបាលឲ្យវាត្រលប់មកភាពដើមលឿនជាងមុន ដោយក្នុងនោះមានដូចជា៖
៣) ទឹកដោះគោ
ទឹកដោះគោអាចធ្វើឲ្យអណ្តាតដែលរលាក វិលមករកភាពប្រក្រតីវិញបានក្នុងរយៈពេលលឿនបំផុត ហើយប្រសិនអ្នកមិនចង់ទទួលទានទឹកដោះគោស្រស់ អ៊ីចឹងក៏អាចជំនួសបានដោយទឹកដោះគោជូរ ឬទឹកដោះគោជាតិផ្លែឈើផ្សេងៗ។
២) ទឹកអំបិល
ការយកទឹកអំបិលមកថ្ពុល ហើយគ្រលាស់វាលើផ្ទៃអណ្តាត ក្រៅពីជួយសម្លាប់បាក់តេរីនិងមេរោគក្នុងមាត់ ជាងនេះក៏អាចជួយឲ្យអណ្តាតឆាប់ឡើងត្រជាក់ និងជាសះស្បើយពីស្នាមរលាកវិញផងដែរ។ អ្នកអាចធ្វើវាក្រោយពេលទទួលទានអាហាររួច និងមុនពេលចូលគេង។
១) ទៅដុសសម្អាតធ្មេញ
គ្រឿងផ្សំនៅក្នុងថ្នាំដុសធ្មេញ អាចជួយកាត់បន្ថយភាពរលាកនៅលើអណ្តាតរបស់អ្នកបាន ដូច្នេះការដុសធ្មេញក៏ជាវិធីល្អមួយដែរ។
ការណែនាំ ២ ចំណុចបន្ថែម៖
១) កុំដុសសម្អាតអណ្តាត
ជឿថាមនុស្សមួយចំនួនក្រៅពីដុសសម្អាតធ្មេញ គឺមានទម្លាប់ដុសសម្អាតអណ្តាតជាញឹកញាប់រៀងរាល់ថ្ងៃ។ ប៉ុន្តែនៅពេលអណ្តាតអ្នករលាក សូមផ្អាកសកម្មភាពនោះសិន ព្រោះវាអាចនាំឲ្យផ្ទៃរលាកនោះឡើងទៅជារបួសកាន់តែធ្ងន់ធ្ងរ។
២) ជៀសវាងការទទួលទានប្រភេទភេសជ្ជៈឬអាហារក្តៅ
ដូចជាការទទួលទានអាហារដែលមានជាតិហឹរ ការផឹកស្រា កុំឲ្យសោះនៅពេលរលាកអណ្តាត ព្រោះជាតិអាកុល វាចូលមកបន្ថយល្បឿនព្យាបាលកោសិកាដែលខូច នាំឲ្យអ្នកជាសះស្បើយពីការរលាកនោះរយៈពេលយូរជាងធម្មតា។
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
