មេផ្ទះ ៩០ ភាគរយមិនដឹងទេ ថាបន្លែផ្លែឈើ ១២ ប្រភេទនេះមិនត្រូវរក្សាទុកក្នុងទូទឹកកក
ទូទឹកកកជាកន្លែងដែលមានសីតុណ្ហភាពទាប សម្រាប់ក្លាសេឬរក្សាទុករបស់ដែលចាំបាច់មួយចំនួន។ យ៉ាងណាមិនមែនសុទ្ធតែរបស់ទាំងអស់ត្រូវដាក់ក្នុងទូ នោះទេព្រោះវាធ្វើឲ្យខូចគុណភាព និងពេលខ្លះអាចបង្កផលប៉ះពាល់ដល់សុខភាពទៀតប្រសិនអ្នកយកមកទទួលទាន។
ខាងក្រោមបង្ហាញពីបន្លែផ្លែឈើ ១២ ប្រភេទដែលមិនត្រូវដាក់ក្នុងទូទឹកកក ហើយជាអ្វីដែលស្រ្តីមេផ្ទះភាគច្រើនមិនធ្លាប់បានដឹង៖
ផ្លែក្រូច
នេះគឺជាផ្លែឈើដែលមានជាតិអាស៊ីតខ្ពស់ ដូច្នេះវាងាយនឹងខូចពេលដែលរក្សាទុកក្នុងកន្លែងមានសីតុណ្ហភាពទាប។ នៅពេលរក្សាទុក សំបកក្រូចវានឹងស្រអាប់ហើយប្រែពណ៌។
ផ្លែបឺរ
ការទុកផ្លែបឺរនៅក្នុងទូទឹកកកយូរ វានាំឲ្យផ្លែនោះមិនងាយនឹងឡើងទុំ ដោយល្អបំផុតគឺត្រូវរក្សាទុកនៅខាងក្រៅមានសភាពត្រជាក់បែបធម្មជាតិ។
ប៉េងប៉ោះ
ប៉េងប៉ោះមិនត្រូវគ្នាជាមួយសីតុណ្ហភាពត្រជាក់ខ្លាំងឡើយ ដោយការរក្សាទុកវាក្នុងទូទឹកកក នឹងនាំឲ្យវាខូចរសជាតិដើម ហើយឡើងទន់ និងលេចចេញចំណុចខ្មៅៗលើសំបក។
ឪឡឹក
បើរក្សាទុកក្នុងទូទឹកកក ផ្លែឪឡឹកនឹងប្តូររសជាតិ បែបនេះល្អបំផុតគឺដាក់ក្នុងទូធម្មតា ឬត្រាំក្នុងទឹកត្រជាក់។
ផ្លែប៉ោម
ទុកផ្លែប៉ោមក្នុងទូទឹកកក នឹងនាំឲ្យសាច់វាចុះថយគុណភាព ល្អបំផុតត្រឹមតែរក្សាទុកក្នុងកន្រ្តក ឲ្យជៀសឆ្ងាយពីពន្លឺព្រះអាទិត្យបានហើយ។
ផ្លែចេក
ដូចនឹងប៉េងប៉ោះដែរ ផ្លែចេកគឺមិនចូលចិត្តកន្លែងត្រជាក់ទេ ព្រោះវានឹងធ្វើឲ្យចេកឡើងសំបកខ្មៅ ហើយងាយខូច។
ដំឡូងបារាំង
ការរក្សាទុកដំឡូងបារាំងនៅសីតុណ្ហភាពទាប នាំឲ្យវាបាត់បង់អាហារូបត្ថម្ភដែលមានក្នុងនោះ។
ខ្ទឹមបារាំង
ការរក្សាទុកខ្ទឹមបារាំងនៅកម្រិតសីតុណ្ហភាពទាប នាំឲ្យវាឆាប់ឡើងរលួយ។
ខ្ទឹមស
កន្លែងដែលនាំឲ្យមានសំណើមដូចក្នុងទូទឹកកក ក៏អាចបណ្តាលឲ្យខ្ទឹមសនោះឡើងដុះផ្សិត។
ផ្លែល្ហុង
អាចធ្វើឲ្យវាខូច បើចង់បន្ទំវា គួររុំវានៅក្នុងថង់ក្រដាស ហើយរក្សាទុកនៅកន្លែងស្ងួតធម្មតា។
ត្រប់
មិនខុសពីប្រភេទបន្លែឯទៀត ក៏វានាំឲ្យខូចគុណភាពដែរ ពេលដាក់នៅក្នុងទូទឹកកក។
បន្ថែម៖
ទឹកដោះគោ
ទឹកដោះគោក្នុងដាក់ក្នុងទូទឹកកក គឺជារឿងល្អហើយ តែមិនគួរដាក់នៅធ្នើរជាប់ទ្វារនោះទេ ព្រោះជាទូទៅយើងបើកបិទវាញឹកញាប់ នាំឲ្យសីតុណ្ហភាពនៅទីនោះមិនថេរ អាចនាំឲ្យទឹកដោះគោឆាប់ខូចគុណភាពលឿន។ ជម្រើសល្អបំផុតគួរដាក់នៅធ្នើរកណ្តាលឬខាងក្រោមក្នុងទូទឹកកក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
