ប្រជាជនជប៉ុនមិនទម្លាប់ផឹកទឹក កំឡុងពេលបរិភោគអាហារ ដោយសារហេតុផលសំខាន់នេះ
ប្រសិនអ្នកចូលទៅកាន់អាហារដ្ឋានតាមបណ្តាប្រទេសនៅប៉ែកអាស៊ី និងអឺរ៉ុបភាគច្រើន គឺរមែងឃើញគេដាក់ទឹកបរិសុទ្ធ ឬទឹកតែឲ្យមួយកែវនៅក្បែរអាហាររបស់យើង ប៉ុន្តែខុសអីនៅឯប្រទេសជប៉ុន គឺពុំធ្វើដូច្នោះទេ ហើយអស់ច្រើនបំផុតគឺដាក់ត្រឹមទឹកមួយកូនពែងតូចតែប៉ុណ្ណោះ។
នៅពីក្រោយនោះគឺមានហេតុផលសំខាន់ដែលប្រជាជនជប៉ុន មានទម្លាប់យល់ឃើញថា ការទទួលទានទឹកស្របពេលជាមួយគ្នា ក្នុងពេលទទួលទានអាហារ គឺជារឿងដែលមិនល្អ។ យើងបង្ហាញហេតុផលចំនួន ៤ ដូចខាងក្រោម៖
១) នាំឲ្យមាត់ស្ងួត
ការដែលទទួលទានទឹកស្របគ្នាជាមួយអាហារ គឺនាំឲ្យទឹកមាត់របស់អ្នកស្ងួតឬខះទៅវិញទេ ហើយជាពិសេសបើមនុស្សមួយចំនួនបន្ថែមចំណិតក្រូចឆ្មារទៅក្នុងទឹកនោះទៀត គឺធ្វើឲ្យប៉ះពាល់កាន់តែធ្ងន់ធ្ងរដល់ការផលិតទឹកមាត់។
ជាងនេះសម្រាប់ទឹកក្រូចឆ្មារក៏អាចប៉ះពាល់ដល់សុខភាព ដែលនាំឲ្យចាល់អាស៊ីត និងអាចបំផ្លាញស្រោមធ្មេញរបស់អ្នក អ៊ីចឹងល្អបំផុតគួរទទួលទានវាក្រោយពេលទទួលទានអាហាររួច។
២) បណ្តាលឲ្យខូចប្រព័ន្ធរំលាយអាហារ
ពេលទទួលទានទឹកជាមួយអាហារ ទឹកមាត់របស់អ្នកនឹងត្រូវរលាយ ហេតុផលនេះវាបានបណ្តាលផលប៉ះពាល់ដល់ការបញ្ចេញទឹកក្រពះ ដែលទទួលខុសត្រូវក្នុងការរំលាយអាហារ។ សញ្ញានៃការរំលាយអាហារនឹងចុះខ្សោយ ឬពេលខ្លះនាំឲ្យហើមពោះក៏មាន។
៣) ការស្រូបយកសារធាតុចិញ្ចឹមថយចុះ
វាបង្កផលប៉ះពាល់នៅកម្រិតអាស៊ីតធម្មជាតិក្នុងក្រពះរបស់អ្នក ហើយវានឹងជះផលអវិជ្ជមាន ដល់ប្រព័ន្ធរំលាយអាហារ និងនាំឲ្យរាងកាយរបស់អ្នកស្រូបយកវីតាមីន និងសារធាតុចិញ្ចឹមបានតិចជាងមុន។
៤) នាំឲ្យក្រហាយទ្រូង
នៅពេលដែលចាល់អាស៊ីត នោះការបញ្ចេញអង់ស៊ីមរំលាយអាហារនឹងមានតិចជាងមុន ដែលអាចនាំឲ្យវាក្លាយទៅជាប្រតិកម្មដល់ថ្នាក់មានការក្រហាយផ្នែកទ្រូង។
៥) នាំឲ្យឡើងទម្ងន់
ការផឹកទឹកនៅពេលអ្នកកំពុងបរិភោគអាហារក៏បណ្តាលឲ្យឡើងទម្ងន់ផងដែរ ព្រោះនៅពេលដែលរាងកាយរបស់អ្នកមិនអាចរំលាយចំណីអាហារបានល្អ នោះវានឹងបម្លែងទៅជាខ្លាញ់នាំឲ្យយើងឡើងទម្ងន់។
ការមានទឹកជាមួយអាហារអាចបណ្តាលឲ្យរាងកាយរបស់អ្នកបញ្ចេញអាំងស៊ុយលីនចូលទៅក្នុងឈាម ដែលជាឱកាសនាំឲ្យមានការកើនឡើងជាតិខ្លាញ់ច្រើនក្នុងខ្លួន។
សរុបមកតាមការណែនាំដ៏ល្អបំផុតពីប្រជាជនជប៉ុន អ្នកគួរតែទទួលទានទឹកមុនទទួលទានអាហាររយៈពេល ៣០ នាទី ហើយការធ្វើបែបនេះក៏នាំឲ្យយើងមានអារម្មណ៍ថាឆ្អែត ហើយជួយកាត់បន្ថយកាឡូរីពីការទទួលទានអាហារហួសកម្រិតផងដែរ៕
ប្រភព៖ Brightside | ប្រែសម្រួល៖ ក្នុងស្រុក
ព័ត៌មានថ្មីៗ
