តាមបែបធម្មជាតិមិនបាច់ប្រើថ្នាំ ខ្ទឹមក្រហម+ទឹកឃ្មុំ ជួយបណ្ដុះសក់ឲ្យវែងខ្មៅភ្លឺរលោង
ជឿថាមនុស្សស្រីសឹងតែទាំងអស់ សុទ្ធតែចង់បានសក់វែងនិងខ្មៅភ្លឺរលោង ហើយនៅអត្ថបទនេះគឺយើងមានរូបមន្តបែបធម្មជាតិដ៏ពិសេសមួយមកណែនាំអ្នករាល់គ្នា ដោយប្រើប្រាស់ខ្ទឹមក្រហម ជាមួយនឹងទឹកឃ្មុំ។
វាសុទ្ធតែជារបស់ដែលងាយរក និងមានតម្លៃធូរ ហើយអ្នករាល់គ្នាអាចសាកល្បងបាន ដោយជាទូទៅខ្ទឹមក្រហមវាមានសារធាតុម្យ៉ាងដែលអាចប្រឆាំងការរុះសក់ និងធ្វើឲ្យសរសៃសក់មានភាពល្អប្រសើរត្រឹមតែរយៈពេល ១ ខែក្រោយការអនុវត្ត។ ជាងនេះវាក៏ជួយឲ្យចរន្តឈាមនៃស្បែកក្បាលដំណើរការទៅល្អ និងជួយកាត់បន្ថយការរលាកស្បែកក្បាលនានាផងដែរ។
ការអនុវត្ត:
១) យកខ្ទឹមក្រហម ៤ ទៅ ៥ ផ្លែមកបកសំបកចេញ ហើយអាចហាន់ ឬដំវាឲ្យបែកជាចំណិត
២) យកវាមកច្របាច់ចេញជាទឹកដាក់កូនចានមួយ សឹមយកទឹកឃ្មុំមួយស្លាបព្រាបាយមកលាយ
៣) ច្របល់វាឲ្យចូលគ្នា ហើយយកកូនក្រណាត់មួយមកជ្រលក់ និងយកមកម៉ាស្សាលើស្បែកក្បាល ក៏ដូចជាសក់ថ្នមៗ ហើយទុកវាចោលចន្លោះពេល ១៥ ទៅ ៣០ នាទី
៤) ក្រោយមកសឹមលាងទឹកត្រជាក់ធម្មតា ហើយអ្នកគួរធ្វើបែបនេះ ២ ទៅ ៣ ដងក្នុងមួយខែ ដើម្បីឆាប់ឃើញលទ្ធផល
(បញ្ជាក់៖ កំឡុងពេលអនុវត្តរាងមានក្លិនបន្តិច)
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
