កុំទទួលទានអាហារ ៣ ប្រភេទនេះ ព្រោះវាគ្រោះថ្នាក់ខ្លាំងដល់ថ្លើម ជាងយើងផឹកស្រាទៅទៀត
មនុស្សជាច្រើនគិតថា ការទទួលទានភេសជ្ជៈមានជាតិអាកុល ឬស្រាច្រើនអាចប៉ះពាល់ធ្ងន់ធ្ងរដល់ថ្លើម។ តាមពិតទៅគឺត្រឹមត្រូវហើយ ប៉ុន្តែមិនមែនត្រឹមតែស្រាមួយមុខនោះទេ សូម្បីតែអាហារដែលយើងទទួលទានរាល់ថ្ងៃ ប្រភេទខ្លះក៏អ្នកគួរតែចាប់អារម្មណ៍ដែរថាវាជាដើមចមធ្វើឲ្យខូចថ្លើមធ្ងន់ធ្ងរ។
ក្នុងនោះមានអាហារ ៣ ប្រភេទដែលអ្នកគួរជៀសវាង៖
៣) អាហារដែលដុះផ្សិត
មិនថាតែប្រភេទអាហារទូទៅ ឬបន្លែផ្លែឈើ មនុស្សមួយចំនួនគិតថា ឲ្យតែលាងទឹកអស់ផ្សិតនោះហើយ គឺអាចយកមកចម្អិនទទួលទានបានហើយ។ ការគិតនេះគឺខុសហើយ បើទោះបីជាអ្នកបានលាងសម្អាតហើយក៏ដោយ ប៉ុន្តែអាហារនោះបានមានផ្ទុកសារជាតិអាផ្លាតុកស៊ីន ដែលផលិតដោយផ្សិតចូលទៅខាងក្នុងរួចហើយ ពោលគឺសារជាតិពុលទាំងអស់វាមិនទៅជាមួយទឹកនោះទេ។
សារជាតិអាផ្លាតុកស៊ីន គឺជាសារជាតិបង្កឲ្យកើតមានជំងឺមហារីក និងបំផ្លាញកោសិកាថ្លើមធ្ងន់ធ្ងរ។ តាមអ្នកជំនាញប្រាប់ឲ្យដឹងថា បើអ្នកទទួលទានតែ ១ មិល្លីក្រាម នោះហានិភ័យនៃការកើតជំងឺគឺអាចកើតមានភ្លាមៗ។
២) ផ្សិតក្រៀមដែលត្រាំទឹកយូរ
ត្រូវចាំថា ផ្សិតក្រៀមមិនគួរត្រាំទឹកលើសពី ៣០ នាទីនោះទេ ព្រោះត្រាំកាន់តែយូរវាកាន់តែប៉ះពាល់ដល់សុខភាព។ មូលហេតុគឺដោយសារនៅពេលដែលត្រាំ វានឹងបង្កើតឲ្យមានបាក់តេរីម្យ៉ាងហៅឈ្មោះថា Pseudomonas Cocotoxin ដោយវាគឺជាជាតិពុលដែលប៉ះពាល់ធ្ងន់ធ្ងរនាំឲ្យថ្លើមក្រិន។
១) ប្រេងខ្លាញ់ដែលមានគុណភាពអន់
មនុស្សជាច្រើនចង់បានរបស់ធូរថ្លៃ មិនទិញប្រេងខ្លាញ់ដែលមានគុណភាពស្តង់ដារត្រឹមត្រូវយកមកប្រើប្រាស់ទេ ព្រោះគិតថាឲ្យតែយកមកចៀនឬបំពងបានដូចគ្នា។ ទោះជាយ៉ាងណាប្រេងដែលគ្មានគុណភាព មួយចំនួននោះពិតជាគួរបារម្ភខ្លាំងណាស់ចំពោះសុខភាព។
នៅកន្លែងផលិតខ្លះ ដើម្បីចង់ចំណេញច្រើននិងកាត់បន្ថយថ្លៃដើម ពួកគេបានជ្រើសរើសវិធីបញ្ចូលប្រភេទគ្រាប់សណ្តែក ឬផ្កាឈូករ័ត្នដែលមានសារធាតុផ្សិតមួយចំនួន ហើយវាមានផ្ទុកជាតិអាផ្លាតុកស៊ីន ដែលប៉ះពាល់ដល់ថ្លើមដូចបង្ហាញពីខាងលើ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
