ចេះតែឆ្ងល់ តាមពិតជនជាតិជប៉ុនទម្លាប់គេងរាបលើឥដ្ឋ ដោយសារមានប្រយោជន៍ ៥ យ៉ាងនេះ
ប្រទេសនៅតំបន់អាស៊ីសឹងតែទាំងអស់ ក៏ដូចជាបណ្តាប្រទេសនៅតំបន់អឺរ៉ុប ទម្លាប់នៃការគេងរបស់មនុស្ស គឺគេងនៅលើគ្រែធម្មតា ប៉ុន្តែខុសអីតែជនជាតិជប៉ុនគឺពុំចូលចិត្តមានគ្រែនោះទេ ហើយទម្លាប់គេងរៀបលើឥដ្ឋការ៉ូ ឬបន្ទះក្តារនៃផ្ទះរបស់ពួកគេ។
ជឿថាមានមនុស្សជាច្រើនប្រាកដជាឆ្ងល់ ហើយថ្ងៃនេះ Knongsrok សូមធ្វើការបង្ហាញនូវអត្ថប្រយោជន៍ ៥ ដែលប្រជាជនរមែងមានអាយុវែងជាងគេបំផុតក្នុងលោកមួយនេះទទួលបាន៖
៥) ជួយឲ្យបាត់ឈឺខ្នង
ការគេងនៅលើផ្ទៃរាបស្មើ គឺល្អសម្រាប់ខ្នងរបស់អ្នក ហើយក៏អាចព្យាបាលជំងឺឈឺឆ្អឹងខ្នងរបស់អ្នកដែលកើតរាប់ឆ្នាំបានផងដែរ។ វាខុសពីការគេងនៅលើគ្រែទន់ ត្បិតមានអារម្មណ៍ថាស្រួល ប៉ុន្តែយូរទៅពូកនោះវានឹងចាប់ផ្តើមស្រុតចុះបន្តិចម្តងៗ ធ្វើឲ្យខ្នងរបស់អ្នកកោង នាំឲ្យមានការឈឺចាប់។
៤) ជួយពង្រឹងជំហរឆ្អឹងខ្នង
ប្រសិនបើអ្នកគេងលើពូកមានខ្នើយ នោះឆ្អឹងខ្នងរបស់អ្នកនឹងស្ថិតនៅជំហរមួយ (ដូចបង្ហាញក្នុងរូបភាព) ដែលវាខុសពីការគេងរាបស្មើ ដែលធ្វើឲ្យជំហរឆ្អឹងខ្នងមានសភាពត្រង់ មិនបង្កឲ្យឈឺចុកចាប់អ្វីនោះទេ។
៣) ជួយឲ្យប្រសើរឡើងនូវចរន្តឈាម
នៅពេលអ្នកគេងរាបស្មើ វានាំឲ្យលំហូរនៃចរន្តឈាមដំណើរការទៅបានល្អ ហើយទម្ងន់របស់អ្នកគឺចែកចាយស្មើៗគ្នាទៅតាមផ្នែកនីមួយៗនៃរាងកាយ។ ការគេងបែបនេះក៏ថែមទាំងជួយឲ្យការពារការស្ពឹកនិងរមួលនៃផ្នែកណាមួយបានថែមទៀតផង។
៤) ជួយឲ្យអ្នកងើបទៀងពេល
ការគេងលើគ្រែនិងខ្នើយដែលមានសភាពទន់ស្រួលពេក ធ្វើឲ្យអ្នកពិបាកនឹងងើបឡើងខ្លាំងណាស់ ហើយមនុស្សជាច្រើនទោះមាននាឡិការោទិ៍ក៏ងើបមិនចង់រួចដែរ។ វាខុសពីការគេងលើឥដ្ឋ ដែលវាមិនសូវស្រណុកសុខស្រួល ដែលជឿថាវានឹងមិននាំឲ្យអ្នកចង់បិទភ្នែកលើសម៉ោងនោះឡើយ។
៥) ចំណាយតិច
មិនបាច់គិតអីច្រើន បើយើងទិញគ្រែមួយ ជាមធ្យមក៏ចំណាយលើសពី ៣០០ ដុល្លារដែរ វាខុសពីការគេងលើឥដ្ឋធម្មតា ចំណាយតែបន្តិចលើកម្រាលពូក ក៏អាចអនុញ្ញាតឲ្យអ្នកគេងបានដែរ ហើយជួយសន្សំសំចៃលុយថែមទៀត។ ចុះបើក្នុងគ្រួសារមានសមាជិកច្រើន តើអ្នកត្រូវចំណាយប៉ុន្មានលើការទិញគ្រែដាក់បន្ទប់នីមួយៗនោះ?
ប្រភព៖ Brightside | ប្រែសម្រួល៖ ក្នុងស្រុក
ព័ត៌មានថ្មីៗ
