លេចស្នាមខ្មៅលើផ្នែកនៃរាងកាយទាំង ៣ នេះជាសញ្ញាមិនល្អទេ បើមាន ២ ត្រូវប្រញាប់ទៅរកពេទ្យជាបន្ទាន់
នៅពេលដែលអ្នកមានបញ្ហាសុខភាព វាក៏មានអាការៈឬរោគសញ្ញាបង្ហាញមកដោយប្រយោលតាមរយៈសញ្ញាផ្សេងៗពីគ្នា។ ដោយឡែកការលេចចេញនូវស្នាមខ្មៅ ឬស្នាមអុជខ្មៅលើរាងកាយនៃផ្នែកទាំង ៣ នេះក៏អាចឲ្យយើងកត់សម្គាល់បានដែរ៖
៣) ស្នាមខ្មៅលើផ្ទៃមុខ
ប្រសិនអ្នកជួបបញ្ហាលើស្បែកមុខ ដែលកើតមានស្នាមអុជខ្មៅច្រើនខុសពីធម្មតា នោះគឺជាសញ្ញាបង្ហាញច្បាស់ថា អ្នកមានបញ្ហានៅផ្នែកថ្លើម ដែលវាកំពុងរងការខូចខាតហើយទាមទារឲ្យមានការពិនិត្យជាបន្ទាន់។
ជាធម្មតានៅពេលដែលកោសិកាថ្លើមត្រូវបានបំផ្លាញ នោះវានឹងនាំឲ្យមានការកើនឡើងនូវជាតិដែកក្នុងឈាម បណ្តាលឲ្យស្បែកឡើងស្រអាប់និងងងឹត ខុសពីធម្មតា។
២) ក្រចកឡើងស្នាមខ្មៅ
នេះជាសញ្ញាមួយផ្សេងទៀតដែលអ្នកត្រូវទៅរកពេទ្យពិនិត្យផ្នែកថ្លើមជាបន្ទាន់ដូចគ្នា ដោយតាមការណែនាំពីអ្នកជំនាញបានឲ្យដឹងថា រោគសញ្ញានៃការឡើងឆ្នូតពណ៌ខ្មៅ ឬពណ៌លឿង-ត្នោតលើក្រចក នោះហើយជាសញ្ញាបង្ហាញថាថ្លើមមានបញ្ហា។ ប៉ុន្តែបើវាលេចចេញពណ៌ផ្កាឈូកថ្លាធម្មតា នោះមានន័យថា សុខភាពថ្លើមរបស់អ្នកនៅដំណើរការល្អ។
១) ស្នាមខ្មៅក្រោមរង្វង់ភ្នែក
ស្នាមខ្មៅនៅក្រោមរង្វង់ភ្នែក មិនជាសញ្ញាគួរឲ្យបារម្ភខ្លាំងនោះទេ ព្រោះវាគ្រាន់តែបង្ហាញថា មកពីអ្នកគេងមិនបានគ្រប់គ្រាន់ ឬចូលគេងយប់ជ្រៅពេកតែប៉ុណ្ណោះ។ វានឹងបាត់ទៅវិញ ក្រោយអ្នកប្តូរទម្លាប់នៃការគេងឲ្យគ្រប់គ្រាន់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
