អាហារ ៤ ប្រភេទស្ថិតក្នុងបញ្ជីខ្មៅរបស់អង្គការ WHO តែមនុស្សមួយចំនួននៅតែចូលចិត្តទទួលទាន
អាហារទាំង ៤ ប្រភេទនៅខាងក្រោម បើទោះបីជាខ្លះមានរសជាតិឆ្ងាញ់ក៏ដោយ ប៉ុន្តែវាមានផ្ទុកនូវសារធាតុដែលប៉ះពាល់សុខភាពធ្ងន់ធ្ងរ ហើយត្រូវបានអង្គការសុខភាពពិភពលោក (WHO) ណែនាំឲ្យបញ្ចៀសតាមដែលអាចធ្វើទៅបាន៖
៤) ប្រភេទអាហារជ្រក់
ជាក់ស្តែងដូចជាគីមឈី ស្ពៃជ្រក់ ឬជ្រក់បន្លែផ្សេងៗទៀតជាដើម អ្នកជំនាញបានណែនាំមិនឲ្យទទួលទានច្រើនពេកនោះទេ ព្រោះអាហារប្រភេទនេះនៅពេលដែលត្រាំទុក នោះវានឹងប្រមូលផ្តុំឡើងនូវសារធាតុ Nitrites ដែលអង្គការសុខភាពពិភពលោកចាត់ទុកអាហារប្រភេទនេះ ជាអាហារដែលអាចនាំឲ្យកើតមានជំងឺក្រិនថ្លើម ឬដុះដុំសាច់ក្នុងថ្លើម។
៣) សាច់អាំងបាប៊ីឃ្យូ
អាហារប្រភេទសាច់អាំងបាប៊ីឃ្យូរដែលវាស្ថិតនៅសីតុណ្ហភាពខ្ពស់ជ្រុល គឺងាយនឹងលេចចេញនូវជាតិ Benzenepyrene ដែលនៅពេលវាកកកុញក្នុងខ្លួនយើងច្រើន អាចបណ្តាលឲ្យខូចថ្លើម បែបនេះទោះអ្នកចូលចិត្តប៉ុណ្ណា សូមកុំទទួលទានញឹកញាប់ពេក។
២) អាហារដែលខ្លោច
ស្រដៀងនឹងសាច់អាំងដែរ ដោយប្រភេទអាហារដែលចម្អិនខ្លោចពេក ពោលគឺស្ថិតនៅសីតុណ្ហភាពខ្ពស់ជ្រុល វាក៏ងាយនឹងផ្ទុកនូវជាតិ Benzypyrene ដែលវាជាបន្សំមិនពេញលេញនៃវត្ថុធាតុដើម (ធ្យូង ឬឧស្ម័ន ហើយវានាំឲ្យមានជាតិពុលកើតឡើងក្នុងរាងកាយ។
ចូរជៀសវាងឲ្យបាននូវការទទួលទាន ប្រភេទអាហារដែលចម្អិនខ្លោច ហើយបើទទួលទានសាច់ដែលខ្លោចក្រៀមក៏ទទួលទានតិចតួចបានហើយ។
១) ប្រភេទអាហារបំពង
ការទទួលទានអាហារដែលគេយកទៅបំពង ដូចជាចេកចៀន មាន់បំពង ដំឡូងបំពង គឺប្រៀបបានការបង្កើនជាតិខ្លាញ់ក្នុងខ្លួន យូរៗទៅវាធ្វើឲ្យមានការរារាំងដល់ការរំលាយអាហារ ហើយថ្លើមរបស់អ្នកនឹងរុំព័ទ្ធដោយខ្លាញ់។ លើសពីនេះទៀតប្រភេទអាហារបែបហ្នឹងក៏នាំឲ្យឡើងទម្ងន់ឆាប់រហ័សផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
