តាមបែបធម្មជាតិយកទៅណាអស់! នេះវិធី ៥ យ៉ាង សម្រាប់អ្នកចង់បំបាត់ស្នាមជ្រីវជ្រួញនៅលើថ្ងាស
ស្នាមជ្រីវជ្រួញនៅលើថ្ងាសរបស់អ្នក អាចលេចឡើងដោយសារតែអាយុរបស់អ្នកកាន់តែច្រើន ក៏ដូចជាផលប៉ះពាល់ផ្សេងទៀតដែលជះឥទ្ធិពលមកលើរាងកាយ។ អ្នកខ្លះក៏មិនសូវអើពើ តែអ្នកខ្លះទៀតក៏ចង់រកវិធីបំបាត់ស្នាមទាំងនោះ តែចង់ព្យាបាលតាមបែបធម្មជាតិ មិនឆ្លងកាត់ការប្រើប្រាស់ជាតិគីមីអ្វីនោះទេ។
មកអានអត្ថបទនេះត្រូវហើយ Knongsrok នឹងបង្ហាញវិធីព្យាបាលបែបធម្មជាតិ ៥ យ៉ាងដូចខាងក្រោម សម្រាប់អ្នកចង់បំបាត់ស្នាមជ្រីវជ្រួញនៅលើថ្ងាស៖
៥) ផ្លែចេក
ចេកគឺល្អបំផុតសម្រាប់ស្បែក និងជាពិសេសសម្រាប់ថ្ងាសរបស់លោកអ្នក។ វាមានផ្ទុកវីតាមីននិងប្រេងធម្មជាតិ ដែលអាចផ្តល់ឲ្យស្បែកមានសុខភាពល្អ។ ចូរយកផ្លែចេកដែលបកហើយ មកហាន់ច្របល់ចូលគ្នាប៉ុន្មានផ្លែ ហើយលាយជាមួយទឹកបន្តិច រួចយកជក់មួយមកប្រើប៉ាតនិងលាបលើថ្ងាសហើយទឹកចោលរយៈពេល ១៥ ទៅ ២០ នាទីសឹមលាងទឹកក្តៅអុនៗចេញ។
៤) ប្រភេទផ្លែក្រូច
ប្រភេទផ្លែក្រូចជូរៗ មិនថាតែក្រូចពោធិ៍សាត់ ក្រូចចិន ឬក្រូចថ្លុង គឺសំបូរទៅដោយវីតាមីន E និង C ដែលអាចផ្តល់ឲ្យស្បែកមានភាពរលោង និងជួយសុខភាពស្បែកបានច្រើន។ អ្នកអាចយកទឹកក្រូចស្រស់ ១/៤ នៃចានចង្កឹះ មកលាយជាមួយម្សៅ ឲ្យវាក្លាយទៅជា Cream ស្អិតៗ ហើយយកវាមកលាបនៅលើថ្ងាសទុកចោល ២០ នាទីសឹមលាងវាដោយទឹកក្តៅអុនៗ។
៣) ប្រេងធម្មជាតិ
នៅពេលដែលស្បែករបស់អ្នកស្ងួត វាធ្វើឲ្យស្នាមជ្រីវជ្រួញកាន់តែឆាប់មើលឃើញ បែបនេះអ្នកគួរផ្តល់សំណើមដល់ស្បែកតាមរយៈការប្រើប្រាស់ប្រេងធម្មជាតិ ដូចជាប្រេងដូង ឬប្រេងអូលីវ។ លាបប្រេងប្រភេទខាងលើទៅលើថ្ងាសមុនចូលដំណេក ជាពិសេសលាបទៅលើទីតាំងនៃស្នាមជ្រីវជ្រួញ ហើយម៉ាស្សាវារហូតដល់ស្បែកអ្នកមានអារម្មណ៍ថាដូចជាទទួលបានសំណើម សឹមលាងមុខចេញ។
២) យកពងសនៃស៊ុត
យកពងសនៅខាងក្នុងស៊ុត មកលាយជាមួយទឹកឃ្មុំ ហើយលាបវានៅលើថ្ងាសរបស់អ្នក ក៏អាចកាត់បន្ថយស្នាមជ្រីវជ្រួញបានដែរ ជាពិសេសគឺឆាប់រឹតបន្តឹងស្បែក។ ការអនុវត្តអាចធ្វើបានដោយប្រើចានចង្កឹះមួយ ហើយយកពងសនៅក្នុងស៊ុតមកលាយជាមួយទឹកឃ្មុំ ១ ស្លាបព្រាបាយ ហើយយកវាមកលាបរយៈពេល ១៥ នាទី សឹមលាងជាមួយទឹកត្រជាក់។
១) ការធ្វើលំហាត់ប្រាណថ្ងាស
អ្នកអាចធ្វើលំហាត់ប្រាណនៅសាច់ដុំថ្ងាស ដែលអាចជួយបំបាត់ស្នាមជ្រីវជ្រួញបានដូចគ្នា។ អ្នកអាចអនុវត្តដូចវីដេអូខាងក្រោម៖
https://www.youtube.com/watch?v=ByKT-Bxd2RQ
ប្រភព៖ Brightside | ប្រែសម្រួល៖ ក្នុងស្រុក
ព័ត៌មានថ្មីៗ
