ទម្លាប់ប្រជាជនជប៉ុន ទទួលទានរបស់ទាំង ៥ នេះដើម្បីការពារកុំឲ្យឡើងសក់ស្កូវ
មិនថាតែមនុស្សចាស់ឬក្មេងៗ ខ្លះអាយុទើបស្រករជាង ២០ ដោះស្កូវពេញក្បាលបាត់ទៅហើយ។ ជាការពិតគ្មាននរណាចង់ឲ្យអ្នកដទៃមើលមកថាយើងចាស់មុនអាយុនោះឡើយ។
មកអានអត្ថបទនេះអ្នកប្រាកដជាអាចដោះស្រាយបញ្ហាខាងលើបាន ដោយតាមការចែករំលែកពីជនជាតិជប៉ុនគឺពួកគេទម្លាប់ទទួលទានអាហារ ៥ ប្រភេទនេះ ដើម្បីការពារកុំឲ្យមានសក់ស្កូវ៖
១) ល្ងខ្មៅ
ល្ងខ្មៅគឺជាអាហារមួយក្នុងចំណោមអាហារជាច្រើនទៀតដែលប្រជាជនជប៉ុនបរិភោគប្រចាំថ្ងៃ។ វាមានផ្ទុកសារធាតុចិញ្ចឹមដែលមានប្រយោជន៍ក្នុងការរំញោចកោសិកាសារធាតុពណ៌សក់ និងដើរតួយ៉ាងសំខាន់ក្នុងការកាត់បន្ថយនូវការកើនឡើងនៃសក់ស្កូវដែលបណ្តាលមកពីភាពចាស់។
២) សារ៉ាយសមុទ្រ
វាក៏ជាប្រភេទអាហារមួយដែលប្រជាជនជប៉ុនរមែងបរិភោគដែរ ដោយភាគច្រើនពួកគេយកទៅខ្ចប់ជាមួយបាយ ហើយវាសំបូរទៅដោយសារធាតុអ៊ីយ៉ូត ដែលដើរតួយ៉ាងសំខាន់ក្នុងការធ្វើឲ្យកោសិកាមេឡានីនដំណើរការ ជាធាតុផ្សំធ្វើឲ្យសក់ប្រែមកពណ៌ខ្មៅ។
៣) ឈីស
កង្វះសារធាតុអាមីណូអាស៊ីត ក៏ជាដើមចមធ្វើឲ្យសក់ប្រែពណ៌ផងដែរ បែបនេះការទទួលទានឈីសអាចបំពេញឲ្យវាមានភាពគ្រប់គ្រាន់ និងការពារការប្រែពណ៌សក់មកជាសក់ស្កូវបាន។ អ្នកគួរទទួលទានឈីសចន្លោះពី ៥០ ទៅ ២០០ ក្រាមក្នុងមួយថ្ងៃគឺល្អបំផុត។
៤) អូយស្ទឺរ
ជាប្រភេទអាហារមួយដែលមានសារធាតុសំខាន់ក្នុងការដំណើរការផលិតជាតិមេឡាញីន។ តាមការណែនាំពីប្រភពគេហទំព័រជំនាញបង្ហើបថា ការទទួលទានអតិបរមាត្រឹមអូយស្ទឺរ ២ ក្នុងមួយថ្ងៃបានហើយគឺល្អបំផុត។
៥) ខ្ញី
ខ្ញីជាឱសថទិព្វមួយ ដែលក្រៅពីជួយឲ្យចរន្តឈាមរត់ស្រួល ជាងនេះវាក៏ធ្វើឲ្យលំហូរឈាមនៅផ្នែកក្បាលដំណើរការល្អ ដែលជួយដល់ស្បែកក្បាលផងដែរ។
បញ្ជាក់ថា បើនិយាយពីមូលហេតុដែលបណ្តាលឲ្យមានសក់ស្កូវគឺរួមមានដូចជាការស្រ្តេស ការជក់បារី ការគេងមិនគ្រប់គ្រាន់ និងការប្រើប្រាស់សារធាតុគីមីច្រើនពេកទៅលើស្បែកក្បាល៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
