ជួយបានច្រើនណាស់! របៀបប្រើទឹកក្រូចឆ្មាឲ្យត្រូវតាមក្បួនខ្នាត អាចជួយអ្នក ៥ ចំណុចធំៗនេះ
ក្រូចឆ្មាជាអាហារមួយប្រភេទ ដែលមានរសជាតិជូរ ប៉ុន្តែវាមានផ្ទុកនូវសារធាតុដែលអាចបន្សាបនៅអាស៊ីតក្នុងរាងកាយមនុស្សបាន។ ក្រៅពីជួយដល់សុខភាព ការទទួលទានទឹកក្រូចឆ្មាក៏ថែមទាំងជួយបំបាត់មុខមុន ជួយសម្រកទម្ងន់ និងជួយដល់ស្បែកថែមទៀតផង។
ខាងក្រោមបង្ហាញពីការទទួលទាននិងរបៀបប្រើប្រាស់ទឹកក្រូចឆ្មាដើម្បីទទួលបានអត្ថប្រយោជន៍ធំ ៥៖
១) ទទួលទានទឹកក្រូចឆ្មាជាមួយទឹកក្តៅអុនៗនៅពេលព្រឹកព្រលឹម
ជួយដល់ប្រព័ន្ធរំលាយអាហារ ហើយក៏អាចជួយសម្អាតពោះវៀន រីឯក្រូចឆ្មាដែលសំបូរទៅដោយវីតាមីនសេ ក៏ជួយបន្សាប ហ្រ្វីរ៉ាឌីកាល ដែលកើតចេញពីការបរិភោគចំណីអាហារ ការចម្អិនមិនត្រឹមត្រូវ និងកើតចេញពីការផលិតថាមពលក្នុងរាងកាយ។
២) ទទួលទានទឹកក្រូចឆ្មាមុនចូលដំណេក
វាអាចជួយឲ្យមុខមានសភាពភ្លឺថ្លានិងភ្លឺចែងចាំង។
៣) ទទួលទានទឹកក្រូចឆ្មាជាមួយសូដា
នៅពេលកម្រិតសីតុណ្ហភាពក្នុងខ្លួនកើនឡើង យើងអាចផឹកវាដើម្បីជួយកាត់បន្ថយកម្តៅ ជាពិសេសក្រោយពេលហាត់ប្រាណ អាចផឹកទឹកក្រូចឆ្មាលាយសូដាគឺល្អបំផុត។
៤) យកទឹកក្រូចឆ្មាទៅលាបលើផ្ទៃមុខដែលមានមុន
យកទឹកក្រូចឆ្មាទៅលាបនៅលើផ្ទៃមុខដែលមាន ហើយទុកចោលមួយយប់ នៅព្រឹកស្អែកអ្នកនឹងបានឃើញលទ្ធផល។
៥) អាចបំបាត់ស្នាមអុជខ្មៅ
ស្រដៀងគ្នានឹងចំណុចទី ៤ ដោយអ្នកគ្រាន់តែយកទឹកក្រូចឆ្មាមកលាបនៅលើផ្ទៃមុខ ហើយទុកវាចោល ៥ នាទី ដោយធ្វើបែបនេះរៀងរាល់ ១ សប្តាហ៍ម្តង ក៏អាចកាត់បន្ថយស្នាមអុជខ្មៅបានដែរ៕
ប្រភព៖ Gangbeauty | ប្រែសម្រួល៖ ក្នុងស្រុក
ព័ត៌មានថ្មីៗ
