ផ្ដើមស្នេហ៍ដំបូងៗបើជួបរឿងទាំង ៩ ចំណុចនេះ គួររៀនកាត់ចិត្តពីគេទៅកុំឲ្យឈឺចាប់ទាន់
មតិជាច្រើនតែងតែលើកឡើងថា "ស្នេហា" ប្រៀបបានដូចជាមនុស្សខ្វាក់ ដោយពេលខ្លះទោះដៃគូម្ខាងទៀតមានកំហុស ឬធ្វើនូវអ្វីដែលមិនគប្បីក៏ម្ខាងទៀតមិនប្រកាន់ទោសពៃរ៍អ្វីដែរ។
ការដែលធ្លាក់ក្នុងអន្លង់ស្នេហ៍ជាមួយមនុស្សដែលអ្នកព្រមទទួលយកគ្រប់យ៉ាង ទាំងដែលដឹងថាការពិតវាជារឿងខុសឆ្គង ហើយអ្នកនៅតែខំប្រឹងទៅទាំងត្រដាប.ត្រដួសថែមទៀត នោះស្នេហារបស់អ្នកគឺមិនអាចគង់វង្សបានឡើយ។ ជាចុងក្រោយនៅទីបញ្ចប់អ្នកដែលឈឺចាប់ខ្លាំងពិតប្រាកដគឺជារូបអ្នក ដែលជាអ្នកព្រមសម្របតាមគេគ្រប់យ៉ាង ទាំងដែលការពិតខ្លួនឯងមិនពេញចិត្ត។
ណែនាំសម្រាប់អ្នកមានស្នេហាថ្មីថ្មោង ឬទើបប្រលូកក្នុងរឿងរ៉ាវស្នេហា អ្នកគួរគប្បីយល់ឲ្យបានស៊ីជម្រៅ ហើយប្រសិនចាប់អារម្មណ៍ថាដៃគូស្នេហារបស់អ្នកបង្ហាញនូវអត្តចរិតទាំង ៥ នេះអ្នកគួររៀនកាន់ចិត្ត និងដកខ្លួនឲ្យហើយទៅ បើមិនចង់ឈឺចាប់ខ្លាំង៖
១) គេនៅនឹកនាដល់អ្នកចាស់
សង្សារចាស់ ឬយើងនិយមហៅថា <<Ex>> ប្រសិនរមែងស្ថិតក្នុងការគិតរបស់ដៃគូម្ខាងទៀត នោះអ្នកគួរតែរកផ្លូវបែកដោយសន្តិវិធីល្អមួយ ព្រោះរឿងនេះបើបន្តទៅថ្ងៃមុខមានតែអាក្រក់សម្រាប់ភាគីទាំងសងខាង។ សាកស្រមៃទៅមើល ការដែលបន្តរស់នៅជាមួយមនុស្សដែលនៅនឹកនាដល់មនុស្សម្នាក់ផ្សេងទៀត តើស្នេហារបស់អ្នកអាចមានក្តីសុខបានដោយរបៀបណា?
២) ប្រសិនគេមិនឲ្យតម្លៃដល់ការរៀបអាពាហ៍ពិពាហ៍
តាមប្រភេទមនុស្សដែរ ដោយអ្នកខ្លះរមែងគិតថាការរៀបអាពាហ៍ពិពាហ៍ មិនមែនជារឿងចាំបាច់នោះទេ រហូតដល់ថ្នាក់ហ៊ាននិយាយថា ទោះបីជាកូនក្រមុំឬកូនកំលោះជាអ្នក ក៏ពួកគេមិនគិតដល់រឿងរ៉ាវនោះដែរ។ ប្រសិនគេមានការគិតជាប់ខ្លួនបែបហ្នឹង នោះហៅថាមិនឲ្យតម្លៃដល់ការបង្កើតគ្រួសារដ៏កក់ក្តៅមួយឡើយ អ៊ីចឹងកុំចំណាយពេលយូរ គួររកផ្លូវបែកទៅ។
៣) ទម្លាប់ខឹងឆេវ.ឆាវ ស្រែកគ្មានដឹងហេតុផល
អារម្មណ៍មនុស្សស្រីអាចថាឆាប់ឆេវ.ឆាវ តែក៏មិនប្រាកដថាមនុស្សស្រីទាំងអស់សុទ្ធតែបែបហ្នឹងដែរ។ ចូរកុំនិយាយថាវាជាទម្លាប់ ព្រោះម្នាក់ៗគួរតែរៀនកែចំពោះអាកប្បកិរិយាខឹងដាច់ក្បាលដាច់កន្ទុយ ហើយចូលចិត្តស្រែកទាំងគ្មានហេតុផល ទោះយើងជាមនុស្សអាចតាមលួងបាន តែក៏មានពេលវេលានិងដែនកំណត់របស់វាដែរ។
៤) មនុស្សមិនឲ្យតម្លៃលើពេលវេលា
ប្រសិនការណាត់ជួបលើកដំបូង ឬការណាត់ជួបពេលក្រោយៗគេជាប្រភេទមនុស្សដែលមិនឲ្យតម្លៃលើពេលវេលា ពោលគឺមកយឺតយ៉ាវ ហើយពុំបានលើកហេតុផលសមរម្យឬធ្វើការសុំទោស នោះហើយមានន័យថា គេជាមនុស្សមិនគោរពពេលវេលាឬមិនឲ្យតម្លៃទៅលើពេលវេលា។ មនុស្សប្រភេទនេះ ច្រើនតែជាមនុស្សអាត្មានិយមដែលគិតពីខ្លួនឯងជាងការគិតពីមនុស្សជុំវិញខ្លួន។
៥) មនុស្សដែលនិយាយមុនថាគេមិនគិតពីស្នេហាវែងឆ្ងាយ
ជាការពិតការប្រលូកក្នុងរឿងរ៉ាវស្នេហា ក៏មិនខុសពីរឿងផ្សេងទៀតដែរ ធ្វើអ្វីក៏ត្រូវមានគោលដៅទើបអាចដើរទៅផ្លូវឆ្ងាយជាមួយគ្នាបាន។ ប្រសិនគេបង្ហើបថា គេមិនសូវគិតទៅថ្ងៃមុខវែងឆ្ងាយ នោះអ្នកក៏កុំរំពឹងពីស្នេហាយូរអង្វែង ហើយប្រសិនអ្នកចង់បានមនុស្សច្បាស់លាស់ អាចដើរទៅមុខជាមួយគ្នាបាន អ្នកប្រហែលជាជ្រើសរើសមនុស្សខុសហើយ៕
ប្រភព៖ Kenh14 ប្រែសម្រួល៖ Knongsrok
ព័ត៌មានថ្មីៗ
