រូបភាពដែលបង្ហាញថា….ចង់វិលត្រលប់ទៅជាកូនក្មេងវិញខ្លាំងណាស់ ដែលឈឺបំផុតត្រឹមតែការដើរដួលប៉ុណ្ណោះ
គ្មានអ្នកណាអាចឃាំងឃាត់នូវពេលវេលាឱ្យឈប់ដើរ ឱ្យឈប់វិល ឬត្រលប់មកកាន់អតីតកាលបានវិញឡើយ ពេលវេលាគឺតែងតែទៅមុខឥតឈប់ពីមួយថ្ងៃទៅមួយថ្ងៃអ្វីៗសុទ្ធតែអាចប្រែប្រួលមិនថារូបរាងមនុស្ស និងចិត្តគំនិតមនុស្ស។
កាលពីនៅក្មេងវ័យ មនុស្សជាច្រើនប្រហែលជាកុមារភាពដ៏រីករាយ មិនខ្វល់ពីអ្វីទាំងអស់ មានពេលវេលាសប្បាយៗជាមួយមិត្តភក្តិ រស់នៅជួបជុំគ្រួសារ ហើយក៏គ្មានរឿងត្រូវគិតគូ ឈឺក្បាល និងរឿងឈឺចាប់ឡើយ ហើយការឈឺចាប់តែម្យ៉ាងគឺប្រហែលជារបួសនៃការដួលតែប៉ុណ្ណោះ។
តែនៅពេលដែលមនុស្សយលងកាន់តែរីកចម្រើនលូតលាស់ធំធាត់ បន្ទុកក៏កាន់តែច្រើន ការទទួលខុសត្រូវក៏កាន់តែធំ មានរឿងជាច្រើនដែលត្រូវគិត ហើយបញ្ហាជាច្រើនប្រហែលជាបានកើតឡើងចំពោះអ្នក ឱ្យអ្នករៀនប្រឈមមុខ ដោះស្រាយ និងទទួលស្គាល់ការពិតនេះហើយជីវិត ដែលរឿងទាំងនេះមិនថាអ្នកមាន អ្នកក្រ ឬឋានៈអ្វី គឺសុទ្ធតែជួបប្រទះទាំងអស់មិនអាចចៀសផុតបាននោះទេ។
ទាំងនេះហើយជាហេតុផលដែលមានមនុស្សជាច្រើនតែងតែនឹករលឹកអតីតកាល កាលវ័យកុមាររបស់ខ្លួន ដែលឈឺបំផុតត្រឹមតែការដួល តែមនុស្សធំឈឺបំផុតវាប្រាកដជាគ្មាននោះទេ តែឈឺច្រើនយ៉ាងទៅវិញទេដែលធ្វើឱ្យមនុស្សចង់វិលទៅអតីតកាលវិញ៕
ព័ត៌មានថ្មីៗ
