ទប់ទឹកភ្នែកមិនបាន!អ្នកណាមិនរំភើប ស្នេហា១០ឆ្នាំ បែកគ្នាច្រើនដង ចុងក្រោយបញ្ចប់ត្រឹមចិញ្ចៀនរៀបការ(មានវីដេអូ)
ពាក្យចាស់ពោលថាគូព្រេងពិតនៅតែជាគូព្រេង ទោះបែកគ្នារាប់ម៉ឺន រាប់សែន រាប់លានដង ក៏គង់តែអាចវិលត្រលប់មករកគ្នាវិញបាន។ ហើយស្នេហាពិត នឹងធ្វើឱ្យយើងមើលឃើញពីតម្លៃគ្នា ខ្លាចបាត់បង់គ្នា ពិសេសគឺអាចធ្វើអ្វីគ្រប់យ៉ាងដើម្បីឱ្យមនុស្សដែលខ្លួនស្រលាញ់មានក្តីសុខ។
ជាក់ស្តែងគូស្នេហ៍មួយគូបានធ្វើឱ្យអ្នកលេងបណ្តាញសង្គមរំភើបភ្ញាក់ផ្អើល នូវវីដេអូ Surprised សុំមិត្តស្រីរៀបការ ដោយវីដេអូនេះបានបង្ហាញពីគូស្នេហ៍មួយគូដែលស្រលាញ់គ្នារហូតដល់ទៅ១០ឆ្នាំ ហើយក៏ធ្លាប់មានបញ្ហាបែកគ្នាជាច្រើនលើកជាច្រើនសារ តែពេលបែកគ្នាទើបដឹងថាខ្វះគ្នាមិនបាន ហើយពេលត្រូវគ្នាវិញក៏បានបញ្ចប់ត្រឹមចិញ្ចៀនរៀបការទៅវិញ គ្រាន់តែមើលក៏រំភើបជំនួសដែរ។
នៅក្នុងនោះ បុរសជាគូស្នេហ៍បានរៀបរាប់ពាក្យពេចន៍មានន័យជាច្រើនចំពោះនារីដែលខ្លួនស្រលាញ់ ដោយគាត់ជាមនុស្សដេលមិនចេះនិយាយច្រើន មិនចេះផ្អែមល្ហែម មិនចេះបង្កើតភាពភ្ញាក់ផ្អើលដល់នរណាម្នាក់នោះឡើយ តែព្រោះតែដើម្បីនារីជាទីស្រលាញ់ និងចង់បង្កើតវេលាល្អជាមួយគ្នា ទើបបានជាធ្វើរឿងមួយនេះឡើងជាមួយនឹងស្នាមញញឹម និងទឹកភ្នែកអួលដើម-ក តែម្តង។
តាមរយៈគណនីហ្វេសប៊ុក Sambath Visal បានបង្ហោះវីដេអូការសុំរៀបការរបស់ខ្លួន ដោយរំលេចពាក្យពេចន៍យ៉ាងមានន័យថា៖ «ស្នេហា 10ឆ្នាំ ❤️ បែកគ្នាក៏ច្រេីនដងដែរ តែចុងក្រោយជួបគ្នាវិញ ជាមួយនឹងចិញ្ជៀនរៀបការ ... ព្រោះការបែកគ្នាយូរបានធ្វេីអោយពួកយេីងដឹងថា ម្នាក់ៗមិនអាចខ្វះគ្នាបានទេ !
ក្រុមថត : Band Media
ទីតាំងថត : highGround SkyBar , S&P restaurant & bakery»។
ដើម្បីជ្រាបច្បាស់ថាវីដេអូនេះមានភាពក្តុកក្តួល និងផ្អែមល្ហែមយ៉ាងណា សូមទស្សនាវីដេអូខាងក្រោមនេះ៖
ព័ត៌មានថ្មីៗ
