អ្នកណាអីក៏ខ្លាំងដៃម្ល៉េះ! Hack អាខោនហ្វេសប៊ុកផ្លូវការរបស់កីឡាករ Alvaro Odriozola របស់ Real Madrid ឱ្យអ្នកលក់ឡេនៅខ្មែរ Lives លក់ផលិតផល
ជារឿងមួយដ៏គួរឱ្យភ្ញាក់ផ្អើល និងក្លាយជាប្រធានបទក្តៅគគុកល្បីពេញបណ្តាញសង្គមប៉ុន្មានថ្ងៃនេះ ក្រោយគណនីហ្វេសប៊ុកជាផ្លូវការរបស់កីឡាករ Alvaro Odriozola ក្នុងក្រុម Real Madrid ស្រាប់តែត្រូវបានបានប្រែក្លាយទំព័រ Facebook ផ្លូវការណ៏របស់ខ្លួន មកលក់ផលិតផល Online នៅខ្មែរយើងទៅវិញ។
បើទោះបីជាគណនីហ្វេសប៊ុកជាផ្លូវការរបស់ Alvaro Odriozola ដែលត្រូវបានប៉ាន់ស្មានថាប្រហែលជាត្រូវក្រុម IT Hack យកមកលក់ឱ្យអ្នកលក់អនឡាញនៅស្រុកខ្មែរ និងត្រូវបានលួចយកមកកាន់កាប់ប្រហែលជារយៈពេល១ខែក៏ដោយ តែគេក៏ឃើញថាមានតែគណនី Twitter និង Instagram ប៉ុណ្ណោះរបស់លោក Alvaro Odriozola ដែលសុវត្ថិភាព និងមានការបង្ហោះជាធម្មតា។
គួរឱ្យដឹងផងដែរថា Alvaro Odriozola គឺជាខ្សែការពារជម្រើសជាតិអេស្ប៉ាញ ដែលជាអតីតខ្សែកាពារស្លាបរបស់ក្លិបយក្យអាឡឺម៉ង់ FC Bayern Munich និងធ្លាប់លើកពាន UCL ជាមួយផងនោះ និងបច្ចប្បន្នលេងឱ្យ Real Madrid ៕
ព័ត៌មានថ្មីៗ
