ស្គាល់ហើយកន្លែងពោរពេញដោយភាពស័ក្តសិទ្ធ ទឹកជ្រោះពស់នាគពត់ពែន ផ្ទុះល្បីពេញហ្វេសប៊ុកការពិតនៅបាលី ឥណ្ឌូនេស៊ី
ថ្មីៗនេះផ្ទុះការចាប់អារម្មណ៍ពេញហ្វេសប៊ុកក្រោយរូបភាពទឹកជ្រោះមួយកន្លែងដែលមានរូបសំណាកតាឥសី និងរូបពស់នាគពត់ពែនលើផ្ទាំងថ្មក្បែរទឹកជ្រោះ មើលទៅគួរឱ្យស្ញើបពេញដោយអាថ៌កំបាំងដូចជាសត្វពស់នាគពិតៗ។
អ្នកលេងបណ្តាញសង្គមហ្វេសប៊ុកមួយចំនួនយល់ថា ទីកន្លែងនេះប្រហែលជាការកាត់តដូចរូបភាពបែកធ្លាយៗមុន តែការពិតទៅទីកន្លែងនេះគឺជាទីកន្លែងដែលមានពិត ទទួលបានភាពល្បីល្បាញ និងពេញដោយជំនឿស័ក្តសិទ្ធរបស់ប្រជាជនបាលី ប្រទេសឥណ្ឌូនេស៊ី ដោយទីនេះមានឈ្មោះថា ទឹកជ្រោះ « Griya Beji Waterfall »។
ទឹកជ្រោះ « Griya Beji Waterfall » គឺជាទីកន្លែងស័ក្តសិទ្ធដែលមានអ្នកសច្ចំ ប្រុស និងស្រី (ព្រះម៉ែពស់នាគ) ដែលប្រជាជនក្នុងតំបន់ជឿថាជាអ្នកថែរក្សាដែនដីទីនេះ។ ដោយប្រជាជន និងអ្នកទេសចរណ៍ ដែលមកលេងកម្សាន្តទឹកជ្រោះនេះ មានជំនឿថាការមកងូតទឹកនៅទីនេះ នឹងជួយឱ្យសុខសប្បាយ មានក្តីសុខ និងលាងជម្រះអពមង្គលផ្សេងៗបានផងដែរ។
គួរឱ្យដឹងផងដែរថា បើតាមប្រភពព័ត៌មានច្បាស់ការបានឱ្យដឹងថា មានទីតាំងស្ថិតនៅ Banjar Trinadi, ភូមិ Pungul Village សង្កាត់ Abiansemal ខេត្ត Badung កោះ Bali ប្រទេសឥណ្ដូនេស៊ី ដោយអាចរកតាមរយៈ Google Maps: Beji Waterfall Powerhouse ៕
អត្ថបទ៖ ក្នុងស្រុក
ព័ត៌មានថ្មីៗ
