រូបមន្តស្បែកមុខសខ្ចីសាច់ចាំ របស់លោកយាយអាយុ ៦០ឆ្នាំ អាចបង្ការភាពជ្រីវជ្រួញ និងស្បែកយារចាស់ជាងវ័យបាន
អ្នកប្រហែលជាមានចម្ងល់ហើយថាហេតុអ្វីមនុស្សស្រីនៅក្នុងប្រទេសចិន និងប្រទេសដទៃមួយចំនួន បែរជាអាចថែរក្សាសម្រស់ផ្ទៃមុខឡើងក្មេងជាងវ័យ អ្នកខ្លះអាយុ ៥០ ៦០ឆ្នាំ តែមើលទៅដូចជាមនុស្សស្រីអាយុ ៣០ ទៅ ៤០ឆ្នាំទៅវិញ។
ក្រៅពីទទួលទានរបបអាហារឱ្យបានត្រឹមត្រូវបែបធម្មជាតិបន្លែ និងផ្លែឈើ នៅក្នុងបណ្តាប្រទេសមួយចំនួនសុទ្ធតែមានរូបមន្តធម្មជាតិថែរក្សាសម្រស់ផ្ទាល់ខ្លួន ដែលល្អសម្រាប់ស្បែកមុខ។
តោះថ្ងៃនេះមកតាមដានរូបមន្តស្បែកមុខក្មេងខ្ចីរបស់លោកយាយ អាយុ ៦០ឆ្នាំ ជាមួយនឹងវិធីធ្វើងាយៗដូចខាងក្រោម៖
#គ្រឿងផ្សំ
-គ្រាប់ផ្លែអាល់ម៉ុន
-ស្លឹកជីរវ៉ាន់ស៊ុយ
-ទឹកដោះគោជូរយ៉ាអួរ
#វិធីធ្វើ
-យកគ្រាប់ផ្លែអាល់ម៉ុន ៣ ទៅ៤គ្រាប់ ទៅបុកឱ្យហ្មត់ជាម្សៅ
-យកស្លឹកជីរវ៉ាន់ស៊ុយបុក ឱ្យហ្មត់
-បន្ទាប់មកយកម្សៅអាល់ម៉ុនដែលបុករួច ១ស្លាបព្រា លាយជាមួយនឹង ល្បាយជីរវ៉ាន់ស៊ុយដែលបុករួច ១ស្លាបព្រា ហើយបន្ថែមជាមួយនឹងទឹកដោះគោជូរយ៉ាអួរ ១ ទៅ ២ស្លាបព្រា កូរចូលគ្នាឱ្យសព្វរួចរក្សារទុកក្នុងក្រឡ
-យកដុំសម្លី ផ្តិតល្បាយម៉ាស់នេះមកលាបឱ្យសព្វផ្ទៃមុខទុកចោលរយៈពេល ១៥នាទី ចាំលាងចេញឱ្យស្អាតជាការស្រេច។ ដោយអាចប្រើម៉ាស់នេះជាប្រចាំបាន។
#គុណប្រយោជន៍
-នេះជាម៉ាស់ល្អស័ក្តសមជាមួយនឹងស្បែកស្ងួត និងស្បែកមុខមានជាតិប្រេងខ្លាំង
-ការពារស្បែកមុខជ្រីវជ្រួញ និងចាស់ជាងវ័យ
-កាត់បន្ថយស្នាមជ្រីវជ្រួញ និងស្លាកស្នាមមុខចាស់ជាងវ័យ
-ជួយឱ្យកោសិកាស្បែកមុខលូតលាស់ល្អ ភ្លឺថ្លា ម៉ដ្ឋខៃ ទន់រលោងស្អាត
-ធ្វើឱ្យស្បែកមុខមានជាតិសំណើម និងមានភាពស្រស់ថ្លា
-ជួយធ្វើឱ្យស្បែកមុខខ្ចី ស្រស់ថ្លា និងក្មេងជាងវ័យស្ទើរមិនគួរឱ្យជឿ
-ជួយព្យាបាលស្បែកមុខដែលឡើងមុនតូចមុនធំ មុនដំបូក និងមុខខ្ទុះផ្សេងៗ
-កាត់បន្ថយមេរោគ បាក់តេរី និងភាពកខ្វក់ផ្សេងៗ ដោយការពារការកើតមុន និងកាត់បន្ថយស្បែកមុខឡើងប្រេងបានល្អ៕
រក្សាសិទ្ធ៖ ក្នុងស្រុក
អំពីអ្នកសរសេររបស់យើង៖ Writers
Tel:
ព័ត៌មានថ្មីៗ
