ប្រើតែដុំទឹកកកនេះ ម៉ាស្សាលើផ្ទៃមុខជារៀងរាល់ថ្ងៃ លែងភ័យរឿងបញ្ហាមុខមុនទៀតហើយ ថែមទាំងបានផ្ទៃមុខទន់រលោងស្អាតទៀត
បញ្ហាមុខលើតមុនជារឿងមួយដែលមនុស្សគ្រប់គ្នាខ្លាចរអារ ព្រោះតែវាធ្វើឱ្យសម្រស់ធ្លាក់ចុះ និងមានផលរំខានដល់ស្បែកមុខគួរឱ្យធុញទ្រាន់។ តែកុំអាលអស់សង្ឃឹម ពេលនេះយើងនឹងពាំនាំវិធីធម្មជាតិមួយដែលអាចជួយកម្ចាត់បញ្ហាមុនលើផ្ទៃមុខ និងធ្វើឱ្យស្បែកមុខភ្លឺថ្លាគួរឱ្យចង់ស្ទាបអង្អែល ងាយធ្វើថែមទាំងមានប្រសិទ្ធភាពខ្ពស់។
តោះ មកតាមដានវិធិធ្វើងាយៗដូចខាងក្រោមនេះ៖
#វិធីធ្វើដុំទឹកកកម៉ាស្សាបំបាត់មុខមុន
គ្រឿងផ្សំ
-ជីរអង្កាម ៤ ទៅ១០សន្លឹក
-ទឹកស្អាត១ពែង
-ដុំជ័រផលិតទឹកកក
#វិធីធ្វើ
-យកជីរអង្កាមលាងទឹកឱ្យបានស្អាត រួចយកជីរអង្កាមទៅបុកឱ្យម៉ដ្ឋល្អ (លៃស្លឹកជីរអង្កាមល្មមនឹងទឹក១ពែង)
-បន្ទាប់មកយកជីរអង្កាមដែលម៉ដ្ឋល្អនេះ លាយជាមួយនឹងទឹកស្អាត ១ពែង កូរចូលគ្នាឱ្យសព្វល្អ
-រួចយកល្បាយទឹកនេះ ទៅដាំឱ្យពុះ រួចទយលឱ្យត្រជាក់ សឹមយកទឹកនេះទៅដាក់នៅក្នុងជ័រផលិតទឹកកកអនាម័យរហូតដល់កក។
#ការប្រើប្រាស់
-ពេលល្បាយនេះកកហើយយកដុំទឹកកក ១ ឬ៣ដុំម៉ាស្សាឱ្យសព្វផ្ទៃមុខក្នុងមួយបរិវេណដែលមានបញ្ហាប្រមាណជា ១០ ទៅ ១៥វិនាទី។ ម៉ាស្សាស្បែកមុខឱ្យពេញផ្ទៃមុខ ពី ៥នាទី ទៅ១០នាទី ពេលស្បែកមុខស្ងួតល្អចាំលាងចេញនឹងទឹកស្អាតដែលជាទឹកត្រជាក់។
-សូមម៉ាស្សាដុំទឹកកកនេះជារៀងរាល់ថ្ងៃទាល់តែបញ្ហាមុខមុនរបស់អ្នកជាសះស្បើយ
-ពេលផ្ទៃមុខរបស់ជាសះស្បើយរលោងស្អាតពីបញ្ហាមុនហើយ អ្នកអាចបន្តប្រើប្រាស់ដុំទឹកកកម៉ាស្សាផ្ទៃមុខនេះ មួយសប្តាហ៍ម្តង ឬ១ខែ៣ ទៅ៤ដង។ នោះផ្ទៃមុខរបស់អ្នកនឹងលែងកើតមុនទៀតហើយ ថែមទាំងធ្វើឱ្យស្បែកមុខទន់ រលោង ម៉ដ្ឋខៃ និងភ្លឺថ្លាទៀតផង៕
អត្ថបទរក្សាសិទ្ធ៖ ក្នុងស្រុក
អំពីអ្នកសរសេររបស់យើង៖ Mythicalbirds
Tel:
ព័ត៌មានថ្មីៗ
