តើអ្នកជាសុភាពនារីបែបណានៅក្នុងក្រសែភ្នែកមនុស្សជុំវិញខ្លួន? ជ្រើសរើសនារីម្នាក់ ហើយចូលអានការទស្សទាយ!
ចំនូលចិត្ត ក្តីស្រឡាញ់ទៅលើអ្វីមួយវាជាកញ្ចក់ឆ្លុះបញ្ចាំងពីខ្លួនយើង នេះបើតាមការលើកឡើងរបស់អ្នកចិត្តសាស្រ្ត។ យោងទៅតាមគេហំព័រ Brightside បានធ្វើការប្រមូលយកនូវរូបភាពសុភាពស្រ្តី ៤ រូបដើម្បីឱ្យអ្នកជ្រើសរើសម្នាក់ក្នុងចំណោមអ្នកទាំង ៤ នាក់នោះ ដើម្បីបង្ហាញថាតើអ្នកដទៃនឹងមើលអ្នកជាមនុស្សបែបណានៅក្នុងក្រសែភ្នែករបស់ពួកគេ។
ស្រ្តីទី១
អាចពោលបានយ៉ាងរហ័សថា ជាសុភាពស្ត្រីម្នាក់មានអារម្មណ៍ស្រាលជាងសំឡីប៉ះខ្យល់បន្តិចនឹង ប៉ើងភ្លាមមួយរំពេច ។ ក៏ប៉ុន្តែលក្ខណៈពិសេសរបស់នាង គឺជាមនុស្សសម្បូរទៅដោយមន្តស្នេហ៍។ ក្រៅពីនោះក៏ជាស្ត្រីមានភាពម៉ឺងម៉ាត់ និងការជឿជាក់លើខ្លួនឯងខ្ពស់បំផុតទៀតផង ។
ទោះបីជាមនុស្សមានចរិតឆេវឆាវបន្តិចមែនតែក៏មានអំណោយពីធម្មជាតិ ខ្លះគួរឱ្យទាក់ទាញផងដែរ ។ បើនិយាយពីរឿងស្នេហា គឺសម្បូរប្រុសៗតាមសុំស្នេហាមិនដាច់ ហើយធ្វើឱ្យស្ត្រីខ្លះក្របួចមាត់លួច ច្រណែនទៀតផង ។
ស្ត្រីទី២
សូមសរសើរព្រោះនារីដែលមានភាពទទួលខុសត្រូវខ្ពស់ប្រសិនបើនាង ហាមាត់ទទួលយកអ្វីមួយ ហើយនោះស្ត្រីម្នាក់នេះរមែងធ្វើឱ្យដល់ទីបំផុត ។ ជាមនុស្សមានគោលដៅច្បាស់លាស់នៅក្នុងឆាកជីវិត ហើយក៏ជាអ្នកតស៊ូ ក្រាញននៀលជាមួយឆាកជីវិតយ៉ាងស្វិតស្វាញទៀតផង ។
តែគួរឱ្យសោកស្តាយព្រោះពេលខ្លះនាងឆាប់ជឿពាក្យសម្តីអ្នកដទៃពេក នេះក៏អាចជាចំណុចមិនល្អមួយដែរ ដែលគួរពិចារណាឱ្យបានម៉ត់ចត់បន្តិច ហើយបើដាក់ចិត្តជឿទៅលើនរណាម្នាក់ហើយនោះ រមែងជឿបាក់ចិត្តដកមិនរួចឡើយ ។
ស្រ្តីទី៣
ជាសុភាពស្ត្រីមានអារម្មណ៍រីករាយស្រស់ថ្លាមិនចេះស្គាល់ អ្វីដែលហៅថា កើតទុក្ខ ។ លក្ខណៈពិសេសរបស់ស្ត្រីរូបនេះ គឺហ៊ានស៊ីហ៊ានសងដែលភាគច្រើនគេចាត់ទុកថា ជាស្ត្រីមានអារម្មណ៍ផ្លូវភេទខ្ពស់ ។
ជាមនុស្សមិនចេះនៅស្ងៀមមួយកន្លែងនិងចិត្តល្អចេះជួយសង្គ្រោះ អ្នកជិតខាងព្រោះជាមនុស្សមានទឹកចិត្ត ។ ក៏ប៉ុន្តែចំណុចដែលមិនសូវល្អនោះ គឺភាគច្រើនធ្វើអ្វីៗទៅតាមទំនើងចិត្តដែលខ្លួន ឯងនឹកចង់ ។ ចំពោះរឿងស្នេហាវិញ បើដាក់ចិត្តស្រឡាញ់នរណាហើយរមែងស្មោះអស់ពីដួងចិត្ត ។
ស្រ្តីទី៤
ជាសុភាពស្ត្រីមានសមត្ថភាពពូកែខាងតាំងចិត្តម៉ឺងម៉ាត់ល្អ មានភាពព្យាយាមនិងអត់ធន់យ៉ាងប្រសើរ ។ ជាមនុស្សដែលមានបំណងផ្តោតធ្វើអ្វីមួយហើយ តែងតែព្យាយាមធ្វើវារហូតដល់ចប់ចុងចប់ដើម ទោះបីជាត្រូវពុះពារឧបសគ្គច្រើនយ៉ាងណាក៏ដោយ ។
មនុស្សនេះមិនចេះរាថយទេ សូម្បីតែមួយជំហាន ។ ជាមនុស្សមានចិត្តមេត្តាសន្តោសប្រណី ចិត្តល្អចេះជួយសង្គ្រោះអ្នកដទៃ ទើបក្លាយទៅ ជាមនុស្សសំណព្វចិត្តក្នុងចំណោមមិត្តភក្តិ ។ ក៏ប៉ុន្តែសូមចាំទុកថា ចិត្តល្អរបស់អ្នកប្រយ័ត្ននាំទុក្ខមកឱ្យ ខ្លួនឯងវិញនៅថ្ងៃក្រោយ ដូច្នេះបើទោះជាចិត្តល្អ ធ្វើអំពើល្អក៏គួរមើលមនុស្សសិនដែរ៕
ប្រែសម្រួល៖ ក្នុងស្រុក | ប្រភព៖ Brightside
ព័ត៌មានថ្មីៗ
