ពិតជាប្រពៃ! លោក ស្រេន វុធថា និងសប្បុរសជនជាច្រើនបានដើរចែកជែលលាងដៃដល់អ៊ុំធាក់សុីក្លូ និងម៉ូតូឌុបកាពារសុខភាពពី Covid-19
តារាសម្តែងលោក ស្រេន វុធថា ត្រូវគ្រប់គ្នាស្គាល់ថា ជាតារាដែលមានសមត្ថភាពសម្តែងខ្ពស់ក្នុងវិស័យសិល្បៈ ថែមទាំងជាអ្នកសិល្បៈចិត្តធម៌រមែងចុះជួយកិច្ចការងារសង្គម និងជនចាស់ជរាដែលគ្មានទីពឹងមានការលំបាកផងដែរ។
ជាក់ស្តែងនៅក្នុងពេលបច្ចុប្បន្ននេះ វីរុស Covid-19 កំពុងតែរាលដាលខ្លាំងនោះ លោក ស្រេន វុធថា ក៏មិនបាននៅស្ងៀមឡើយ ដោយលោកបានប្រមូលសមាជិក និងសប្បុរសជនជាច្រើន ធ្វើការចែកជែលលាងដៃប្រមាណជាជាង ១០០ដប ចែកជូនតាៗអ៊ុំៗដែលរត់ម៉ូតូឌុប និងធាក់ស៊ីក្លូ ដើម្បីថែរក្សាអនាម័យខ្លួនឯងឆ្ងាយពីវីរុសកាលពីព្រឹកថ្ងៃទី ១៨ ខែមីនា ឆ្នាំ ២០២០ នេះ តាមបណ្តាផ្សារ និងទីប្រជុំជននានា។
គួរឱ្យដឹងផងដែរថា ការពិតទៅដំបូងឡើយ ក្រុមលោក ស្រេន វុធថា មានបំណងចែកម៉ាស់ដល់លោកតាសុីក្លូ និងអុំម៉ូតូឌុបតែដោយសារម៉ាស់ដែលយកមកត្រូវជាប់ពន្ធគយ ដោះស្រោយមិនចេញ ដូច្នេះទើបក្រុមលោកបានសម្រេចចែកជាជែលលាងដៃ និងទឹកអាល់កុលជំនួសវិញ។ ដោយជំនួយនេះបានមកពីសប្បុរសជនចិត្តធម៌ជាច្រើនដូចជា បងស្រី CM CM និងគ្រួសារ និងប្អូនស្រី sreyleak keo ជាដើម៕
ព័ត៌មានថ្មីៗ
