ចំណាយតែ ៥៨៥ ដុល្លារក្នុងមួយយប់ អ្នកអាចគេងក្នុងបន្ទប់ពពុះកញ្ទក់ ដែលព័ទ្ធជុំវិញដោយព្រៃនិងសត្វដំរី

2020-02-04

ប្រទេសថៃត្រូវបានគេស្គាល់ថាមានធម្មជាតិដ៏គួរឱ្យចាប់អារម្មណ៍ សត្វព្រៃគួរឱ្យភ្ញាក់ផ្អើល និងអាកាសធាតុត្រូពិចដែលអាចបន្ធូរអារម្មណ៍ និងធ្វើឱ្យវាក្លាយជាទិសដៅថ្ងៃឈប់សម្រាកដ៏ល្អឥតខ្ចោះសម្រាប់អ្នកដែលចូលចិត្តធ្វើដំណើរកំសាន្ត។

ដើម្បីនាំអ្នកធ្វើដំណើរកាន់តែជិតនឹងធម្មជាតិមានរមណីយដ្ឋានមួយដែលអនុញ្ញាតឱ្យអ្នកស្ថិតនៅក្នុងធម្មជាតិ។ មានទីតាំងស្ថិតនៅភាគខាងជើងនៃប្រទេសថៃគឺThe Anantara Golden Triangle Elephant Camp & Resort ភ្ញៀវអាចមើលឃើញជាមួយធម្មជាតិប្លែកៗជាមួយនឹងទេសភាពគួរឱ្យចាប់អារម្មណ៍នៃតំបន់ជំរកសត្វដំរី។

បន្ទប់សម្រាប់ភ្លៀវទាំងនេះត្រូវបានគេហៅថា Jungle Bubbles។ វាត្រូវបានផលិតចេញពីជ័រស្វិតថ្លាដែលមានបច្ចេកវិទ្យាខ្ពស់ដែលអាចឱ្យអ្នកទស្សនាមើលឃើញនៅជុំវិញខ្លួនដោយសុវត្ថិភាព។

បន្ទប់ដែលមានរៀងជាពពុះនីមួយៗមានទំហំ ២៣៦ ហ្វីតការ៉េ (២២ ម៉ែត្រការ៉េ) រួមបញ្ចូលទាំងគ្រែមួយដែលមានផាសុខភាព។ ឈុតនេះក៏មានបន្ទប់ទឹកនិងកន្លែងអង្គុយផងដែរ។

ភ្ញៀវមិនតម្រូវឱ្យចាកចេញពីបន្ទប់របស់ពួកគេសម្រាប់អាហារពេលល្ងាចទេព្រោះបុគ្គលិកនិងយកអាហារទៅឱ្យភ្លៀវដើម្បីធានាការទស្សនាសត្វដំរីដោយមិនមានការរំខាន។

ដំរីប្រហែល ៦០ ក្បាលដែលត្រូវបានគេជួយសង្គ្រោះនៅប្រទេសថៃហើយត្រូវបានយកមកដាក់នៅក្នុងជំរំនេះដើម្បីឲ្យពួកវារស់នៅប្រកបដោយផាសុកភាព។

រមណីយដ្ឋាននេះនឹងធ្វើឲ្យអ្នកមិនអាចបំភ្លេចបាននូវរាត្រីក្នុងលំហដ៏ប្រណីតក្នុងតម្លៃ ៥៨៥ ដុល្លារក្នុងមួយយប់សម្រាប់មនុស្សពីរនាក់។

ក្រៅពីសេវាកម្មមូលដ្ឋានមួយចំនួនរមណីយដ្ឋាននេះក៏ផ្តល់ជូននូវកញ្ចប់អាហារពេលល្ងាចដែលអាចបរិភោគបានផងដែរ។ បារខ្នាតតូចដែលមានស្តុកពេញលេញផ្តល់សេវាកម្មបរិភោគក្នុងបន្ទប់ ២៤ ម៉ោង៕