ស្អាតមិនចាញ់ស្រុកគេ! ភូមិវប្បធម៌នៅខេត្តសៀមរាប ប្រែមុខមាត់ថ្មីប្លែកភ្នែកអស់ទាស់
ភូមិវប្បធម៌កម្ពុជាមានទីតាំងស្ថិតនៅក្នុងក្រុងសៀមរាប។ ភូមិវប្បធម៌កម្ពុជាគឺជាកូនភូមិគំរូមួយដែលមានសំណង់ ផ្ទះ និង អាគារប្រវត្តិសាស្រ្តទំនាមទំលាប់របស់ប្រជាជនខ្មែរ និង ជីវភាពរបស់ជនជាតិទាំងអស់។ កន្លែងនេះមានទំហំ ២១០ ០០០ ម៉ែត្រការ៉េ។ ក្នុងភូមិវប្បធម៌កម្ពុជាមានភូមិចំនួន១២ ដែលតំណាងឲ្យវប្បធម៌ផ្សេងៗគ្នា និង ចរិតលក្ខណៈរបស់ជនជាតិ១៩។ ភ្ញៀវទេសចរណ៍អាចរីករាយជាមួយនឹងការសំដែងរបាំអប្សរា និង របាំរបស់ជនជាតិភាគតិចនៅកម្ពុជា និង អាចទស្សនាការសំដែងអំពីប្រពៃណីរៀបអាពាហ៌ពិពាហ៌របស់ជនជាតិខ្មែរ។ នៅតាមភូមិនិមួយៗ អ្នកទេសចរណ៍អាចមើលឃើញអំពីការបង្ហាញអំពីរបៀបឆ្លាក់លើថ្ម លើឈើ ដំគ្រឿងប្រាក់ និង ឆ្នៃត្បូង។
ទន្ទឹមនឹងគោលដៅបង្កើនកំណើនភ្ញៀវទេសចរ ថ្មីៗនេះគេសង្កេតឃើញនៅភូមិវប្បធម៌បានបង្កើតនិងច្នៃប្រឌិតបន្ថែមនូវទស្សនីយភាពពិសេសថ្មីៗជាច្រើន លាយឡំនឹងដើមឈើនិងរុក្ខជាតិពណ៌បៃតង់ស្រស់ ហើយមានទីតាំងថតរូបស្អាតៗជាច្រើនទៀតផង។ នេះបើតាមការចែកចាយរូបភាពលើទំព័រហ្វេសប៊ុកBlue Sky
អ៊ីចឹងកុំភ្លេចណាបើមានពេលលំហែកាយ កុំភ្លេចទៅទស្សនានៅភូមិវប្បធម៌ជាថ្មីម្តងទៀតផង!
ព័ត៌មានថ្មីៗ
