(វីដេអូ) ជំនះគ្រប់យ៉ាង! ទីបំផុត ហេង វិសាលទិញរថយន្ត Corolla ២០២០ លើកទឹកចិត្តខ្លួនឯង និងខ្សែកពេជ្រតម្លៃ ៦ ៩០០ ដុល្លារជូនម្តាយទៀត
នៅឆ្នាំថ្មី ២០២០ នេះ YouTuber ល្បីឈ្មោះនិងមានរូបសង្ហាដែលគ្រប់គ្នាស្គាល់រហ័សនាមថា 'BOY LOY' ឬមានឈ្មោះពិត 'ហេង វិសាល' បានទិញកាដូមួយលើកទឹកចិត្តខ្លួនឯងនិងកាដូតម្លៃរាប់ពាន់ដុល្លារជូនម្តាយជាការសងគុណថែមទៀត។
នៅវីដេអូដែលបង្ហោះផ្សាយលើបណ្តាញសង្គមកាលពីជាង ១ ម៉ោងមុន ហេង វិសាល ដែលជានិស្សិតផ្នែកព័ត៌មានវិទ្យា (IT) រូបនេះ បាននិយាយពីការខិតខំប្រឹងប្រែងរបស់ខ្លួននិងដើមទងនៃការជម្នះគ្រប់ពាក្យរិះគន់គ្រប់បែបយ៉ាង ទម្រាំបានក្លាយជា YouTuber ល្បីឈ្មោះមួយរូបនៅកម្ពុជានិងទទួលបានការស្រលាញ់ពីសំណាក់អ្នកគាំទ្រខ្ទង់លាននាក់។
ហេង វិសាលបានបង្ហើបថាលោកធ្លាប់ជាបុគ្គលិកបម្រើការតំណែងវិស្វករកម្មវិធី អាចទទួលបានប្រាក់ខែ ២ ៥០០ ដុល្លារនៅឯប្រទេសជប៉ុន ប៉ុន្តែសម្រេចចិត្តបោះបង់ហើយមករស់នៅស្រុកខ្មែរនិងជម្នះពាក្យរិះគន់របស់មនុស្សមួយចំនួន លើឆន្ទៈធ្វើវីដេអូនិងគោលដៅក្លាយជា YouTuber រហូតទទួលបានជោគជ័យទាល់សព្វថ្ងៃ។
ឆ្លៀតឱកាសនៃការខិតខំប្រឹងប្រែងអស់រយៈពេលជាច្រើនឆ្នាំមកនេះ បុរសមានមុខមាត់កូនកាត់កូរ៉េបានសង្កត់ធ្ងន់ថាខ្លួនធ្លាប់សម្រេចសមិទ្ធផលសម្រាប់ខ្លួនឯង តាមរយៈការទិញផ្ទះ និងកំពុងបង់រំលោះដីពីរកន្លែងផ្សេងទៀត ហើយចូលដល់ឆ្នាំ ២០២០ ក៏សម្រេចទិញកាដូជារថយន្ត Toyota Corolla Altis សេរ៊ី ២០២០ មួយគ្រឿងសម្រាប់ខ្លួនឯង និងខ្សែកពេជ្រតម្លៃ ៦ ៩០០ ដុល្លារជូនម្តាយទុកជាការសងគុណ៕
ទស្សនាវីដេអូខាងក្រោម៖
https://www.youtube.com/watch?v=7MKXPL8K2hY
ព័ត៌មានថ្មីៗ
