កម្របានឃើញ! រូបថតជាងកន្លះសតវត្សរ៍មុន សម្តេចព្រះនរោត្តមសីហនុយាងបង្ហូតទង់ជាតិខ្មែរនៅឯប្រាសាទព្រះវិហារ
ព្រះករុណា ព្រះបាទសម្ដេចព្រះ នរោត្ដម សីហនុ រាជហរិវង្ស ឧភតោសុជាតិ វិសុទ្ធពង្ស អគ្គមហាបុរសរតន៍ និករោត្ដម ធម្មិកមហារាជាធិរាជ បរមនាថ បរមបពិត្រ ព្រះចៅក្រុងកម្ពុជាធិបតី ទ្រង់បានចូលទិវង្គតនៅថ្ងៃចន្ទ ទី ១៥ តុលា ឆ្នាំ ២០១២ ត្រូវនឹងថ្ងៃទី ១៥ រោច ខែភក្របទ ឆ្នាំ រោង ចត្វាស័ក វេលាម៉ោង ១ និង ២០ នាទីយប់នៅឯទីក្រុងប៉េកាំងប្រទេសចិន។
ស្នាព្រះហស្ថជាច្រើនសម្តេចតាបានបន្សល់ទុកសម្រាប់កូនចៅជំនាន់ក្រោយ ហើយក៏ទទួលបានការគោរពស្រលាញ់ពីសំណាក់ប្រជាពលរដ្ឋទូទាំងប្រទេស។
យោងតាមបណ្តុំរូបថតចាស់ៗប៉ុន្មានសន្លឹកដែលដកស្រង់ចេញពីទស្សនាវដ្តី កម្ពុជសុរិយា ខែមិថុនា ឆ្នាំ ១៩៦៣ ដែលបង្ហោះផ្សាយដោយគណនី Nao Sok លើបណ្តាញសង្គម បានបង្ហាញពីរូបភាពដែលយើងកម្រនឹងបានឃើញ គឺទាក់ទិននឹងសកម្មភាពដែលសម្តេចព្រះនរោត្តមសីហនុទ្រង់បានយាងមកបង្ហូតទង់ជាតិខ្មែរនៅប្រាសាទព្រះវិហារ កាលពីថ្ងៃទី ៥ មករា ឆ្នាំ ១៩៦៣៕
ប្រភព៖ Facebook
ព័ត៌មានថ្មីៗ
