អស្ចារ្យមែន! ឆាប់ៗនេះប្រេងកូឡាផលិតផលខ្មែរនឹងមានលក់នៅលើទីផ្សារហើយ ដោយស្នាដៃកូនខ្មែរឯកទេសផ្នែកឱសថសាស្ត្រ
ជារឿងមួយដ៏គួរឱ្យភ្ញាក់ផ្អើល និងមោទកភាពបំផុត ដោយថ្មីៗនេះ កូនខ្មែរ ៣រូប បានរួមដៃគ្នាផលិតប្រេងកូឡាដោយខ្លួនឯងជាផលិតផលក្នុងស្រុកបានសម្រេចដោយជោគជ័យ និងថែមទាំងមានគម្រោងវាយលុកទីផ្សារក្នុងស្រុកទៀតផង។
តាមការរៀបរាប់ឱ្យដឹងពីសមាជិកមួយរូប ក្នុងចំណោម ៣រូប លោក ស្រេង ឈាងឡេង បានឱ្យដឹងថាដំបូងឡើយពួកលោកគឺជានិស្សិតផ្នែកឱសថសាស្រ្ត ហើយមានបំណងស្រាវជ្រាវផលិតឱសថផ្សេងទេ តែដោយយល់ថាវាពិតជាត្រូវការដើមទុនច្រើន និងប្រើពេលវេលាយូរ ទើបពួកលោកបង្វែរមកធ្វើការស្រាវជ្រាវផលិតប្រេងកូឡាវិញ ដោយការស្រាវជ្រាវនេះប្រើពេលអស់រយៈពេលដល់ទោ ៣ឆ្នាំ និងរួមទុនម្នាក់ដល់ទៅ១០ម៉ឺនដុល្លារ ។
ដោយនៅពេលនេះផងដែរ សមិទ្ធផលនៃផលិតផលប្រេងកូឡា របស់ពួកលោកបានសម្រេចជារូបរាងហើយ នៅតែរត់ការសុំច្បាប់ និងដាក់ផ្លាកសញ្ញាតែប៉ុណ្ណោះ ហើយប្រសិនជាមានការគាំទ្រខ្លាំង លោកក៏ស្វាគមន៍អ្នកដែលមានបំណងវិនិយោគទុក បង្កើតរោងចក្រផងដែរ។
គួរឱ្យដឹងផងដែរថា មួយរយៈចុងក្រោយនេះមានកូនខ្មែរកាន់តែច្រើនឡើងហើយសុទ្ធតែមានសមត្ថភាពខ្ពស់នៅក្នុងការច្នៃប្រតិដ្ឋ និងផលិតផលិតផលផ្ទាល់ខ្លួនបែបក្នុងស្រុក ដោយការធ្វើបែបនេះពិតជាបានចូលរួមកាត់បន្ថយការប្រើប្រាស់ផលិតផលនាំចូលពីក្រៅប្រទេស ថែមទាំងអនាគតស្រុកខ្មែរអាចនឹងមានលទ្ធភាពចូលទៅកាន់ទីផ្សារបរទេសដើម្បីនាំចំណូលក្នុងប្រទេសផងក៏ថាបាន៕
ព័ត៌មានថ្មីៗ
