កម្ពុជាបង្ហាញជម្រើសដំបូង១១នាក់ត្រៀមប៉ះទីម័រខាងកើត ស៊ិន កក្កដាជាប់ជម្រើសដំបូងតែគ្មានស៊ាង ចន្ធា
ក្រុមជម្រើសជាតិកម្ពុជានឹងត្រូវលេងក្នុងការប្រកួតទី២ក្នុងវិញ្ញាសាបាល់ទាត់បុរសវ័យក្រោម២២ឆ្នាំទល់ជាមួយក្រុម ជម្រើសជាតិ U22ទីម័រខាងកើតនៅវេលាម៉ោង៧និង០០នាទីយប់នេះខណៈជម្រើសដំបូង១១នាក់ក៏បានបង្ហាញឲ្យដឹងរួចផងដែរ។
ក្នុងបញ្ជី១១នាក់ដំបូងត្រៀមប៉ះ U22ទីម័រខាងកើតនេះ មានជម្រើសខុសកាល១១នាក់ប៉ះម្ចាស់ផ្ទះ U22ហ្វីលីពីន។ យប់នេះ U22កម្ពុជា ប្រើប្រាស់ប្រព័ន្ធ 4-5-2ដែលមានកីឡាករដូចខាងក្រោម៖
អ្នកចាំទី៖ ហ៊ុល គឹមហ៊ុយ
ខ្សែការពារ៖ កែន ច័ន្ទសុភ័ក្រ ទេស សម្បត្តិ អ៊ុក សុវណ្ណ សឿត បារាំង
ខ្សែបម្រើ៖ អន ចាន់ប៉ូលីន ម៉ៅ ពិសិដ្ឋ ស៊ិន កក្កដា អិន សូដាវីដ ស៊ិន សុផាណាត់
ខ្សែប្រយុទ្ធ៖ កែវ សុខផេង
ចំណែកគូប្រកួតក្នុងពូល Aដទៃទៀតគឺ U22មីយ៉ន់ម៉ាឈ្នះក្រុម U22 ម្ចាស់ផ្ទះហ្វីលីពីនក្នុងលទ្ធផល២ទល់១។ ២គ្រាប់របស់មីយ៉ាន់ម៉ារកបានដោយកីឡាករ Aung Kaung Mann នាទី១៧និងកីឡាករ Win Naing Tun នាទី៧៩។ ១គ្រាប់របស់ក្រុមម្ចាស់ផ្ទះហ្វីលីពីនរកបានដោយកីឡាករ Justin Baas នាទី៤៥៕
ព័ត៌មានថ្មីៗ
