ម្លប់បៃតង ទៅម្តងប្រាកដជាស្រស់ស្រាយ មិនទៅណាឆ្ងាយ ក្នុងខេត្តសៀមរាបយើងហ្នឹង
សៀមរាប៖ ខេត្តសៀមរាបគឺជាខេត្តប្រវត្តិសាស្រ្តមួយដែលសម្បូរទៅដោយប្រាសាទបុរាណរាប់រយ និងទីកន្លែងកម្សាន្តធម្មជាតិរាប់មិនអស់ បានទាក់ទាញភ្ញៀវទេសចរណ៍មកកម្សាន្តរាប់ម៉ឺននាក់ក្នុងមួយឆ្នាំៗមិនចេះដាច់។
ក្រៅពីប្រាសាទបុរាណ ខេត្តសៀមរាបមានទឹកដីអំណោយផលជាច្រើនកន្លែង ដែលអាចកែច្នៃជាទីកន្លែងកម្សាន្តថ្មីៗជាបន្តបន្ទាប់សុទ្ធតែទាក់ទាញអ្នកមកកម្សាន្តមិនតិចនាក់នោះទេ ក្នុងចំណោមនោះ ទីកន្លែងកម្សាន្តថ្មីមួយកន្លែងដ៏គួរឱ្យចាប់អារម្មណ៍ឈ្មោះថា « ម្លប់បៃតង » បានធ្វើឱ្យអារម្មណ៍អ្នកទស្សនាភ្ញាក់ផ្អើលមិនតិចនោះទេ។
« ម្លប់បៃតង » ត្រូវបានគេដឹងថាជាទីកន្លែងបែបធម្មជាតតិដាំដុះដោយរុក្ខជាតិ ផ្កាស្រស់ស្អាត គួរជាទីគយគន់ ឯការថតរូបកម្សាន្តដឹងតែស្អាតញាក់សាច់តែម្តង ដូច្នេះការមកលេងខេត្តសៀមរាបបើមិនបានឆៀងមកលេងទីនេះពិតជាគួរឱ្យសោកស្តាយខ្លាំងណាស់។
គួរឱ្យដឹងផងដែរថា រមណីយដ្ឋាន ម្លប់បៃតង ដែលមានទេសភាពស្រស់ត្រកាលមួយនេះ ស្ថិតនៅ ឃុំខ្នាត ស្រុក ពួក ខេត្ត សៀមរាប ចូលតាមផ្លូវទៅរមណីយដ្ឋាន មេជ្រៃ ៕
រក្សាសិទ្ធអត្ថបទ៖ ក្នុងស្រុក
ប្រភពរូបភាព៖ ហ្វេសប៊ុក
ព័ត៌មានថ្មីៗ
