សប្បាយមែនទែន! ការប្រគំតន្ត្រីបុណ្យកោងកាងលើកទី៣ នឹងមានវត្តមានដ៏ខ្ពស់ខ្ពស់របស់ព្រះនាងតូច នរោត្តម ជេនណា និងសិល្បករល្បីៗជាច្រើនដួង!
កោះកុង៖ ជារៀងរាល់ឆ្នាំ ពិធីបុណ្យកោងកាង ត្រូវបានប្រារព្ធធ្វើ ដោយមានការចូលរួមរៀបចំដោយយុវជនខ្មែរ ក្នុងគោលបំណងដើម្បីលើកកម្ពស់ការចូលរួមរបស់យុវជន និងសហគមន៍មូលដ្ឋាននៅក្នុងកិច្ចការពារព្រៃកោងកាង ព្រមទាំងផ្សព្វផ្សាយពីសក្តានុពលទេសចរណ៍ និងសារប្រយោជន៍របស់ព្រៃកោងកាង ដើម្បីចូលរួមចំណែកបង្កើនចំណូលបន្ថែមដល់ប្រជាសហគមន៍ក្រៅពីមុខរបរនេសាទដែលមានស្រាប់ទៀតផង។
ដោយឡែក នៅក្នុងឆ្នាំនេះ បុណ្យកោងកាងលើកទី ៣ នឹងត្រូវបានធ្វើឡើងជាថ្មីម្តងទៀតហើយ ជាមួយនឹងកម្មវិធីសប្បាយរីករាយលើសឆ្នាំមុនៗទៅទៀត ដោយមានទាំងកម្មវិធីកម្សាន្តពីថ្ងៃទី ០៩ ដល់ថ្ងៃទី ១២ ខែវិច្ឆិកា (ចុះឈ្មោះចូលរួម) រយៈពេល៤ថ្ងៃពេញ។
កាន់តែពិសេសទៅទៀតនោះ នៅយប់ថ្ងៃទី ១១ ខែវិច្ឆិកា នឹងមានការប្រគំតន្ត្រីទេសចរណ៍កោងកាងដ៏អស្ចារ្យ ដែលអាចចូលរួមដោយសេរីផងដែរ នៅរមណីយដ្ឋានឆ្នេរ២០០០ ដោយមានព្រះវត្តមានកិតិ្តយសពីព្រះនាងតូច នរោត្តម ជេនណា ដែលទ្រង់ក៏បានក្លាយជាទូតសុឆ្ទនៈ របស់បុណ្យកោងកាងក្នុងឆ្នាំនេះ រួមជាមួយនឹងតារាចម្រៀងជាច្រើនដួងនៅក្នុងផលិតកម្ម GMB ដូចជា កញ្ញា Ela la និង Ma Ma លោក Por Xeang និង លោក Rou nathawat ទៀតផង ដែលនឹងជួយញ៉ាំងបរិយាកាសពិធីប្រគំតន្ត្រីបរិស្ថានបុណ្យកោងកាងកាន់តែមានភាពសប្បាយរីករាយ និងរំភើបទ្វេរផង។
គួរឱ្យដឹងផងដែរថា សម្រាប់កម្មវិធីដំណើរកម្សាន្ត បុណ្យកោងកាងលើកទី៣ ដែលនឹងធ្វើឡើងនៅ ថ្ងៃទី០៩ ដល់ ១២ ខែវិច្ឆិកា ឆ្នាំ២០១៩ មានទីតាំងស្ថិតនៅក្នុង ភូមិកោះស្រឡៅ ឃុំកោះកាពិ ស្រុកកោះកុង ខេត្តកោះកុង តម្លៃនៃការចូលរួមវិភាគទានកម្មវិធីត្រឹមតែ 240.000៛ ប៉ុណ្ណោះ។
# អ្វីដែលនឹងផ្តល់ជូនរួមមាន ៖
➡️ សំបុត្រជិះឡានទៅវិញទៅមក
➡️ ការស្នាក់នៅ4ថ្ងៃ
➡️ សំបុត្រជិះទូក
➡️ ភេសជ្ជ:
➡️ អាហារ ១២ ពេល
➡️ Free ថតរូប
➡️ Admin ជូនអ្នកចូលរួមទស្សនាតំបន់ទេសចរណ៍ថ្មីៗច្រើនកន្លែង
➡️ និងចូលរួមគ្រប់សកម្មភាព ដែលដាក់ក្នុង Poster
សកម្មភាពជាច្រើនដែលនឹងរៀបចំរួមមាន ៖
➡️ ជិះទូកទស្សនាព្រៃកោងកាង ដ៏ធំបំផុតនៅប្រទេសកម្ពុជា
➡️ ទស្សនា របាំប្រពៃណីខ្មែរ
➡️ វេទិកា អ្នកស្រឡាញ់បរិស្ថាន
➡️ Admin នាំអ្នកចូលរួមទស្សនា កោះស្រឡៅ, កោះបារាំង, កោះអូនកោះបង, និង រមណីដ្ឋាន ពាមក្រសោប
➡️ ទស្សនា សំបុកអំពិលអំពែក នៅព្រៃកោងកាង, ជិះទូកមើលផ្កាយ និងប្លុងតុងពេលយប់
➡️ ពិធី បណ្ដែតប្រទីប និង បង្ហោះគោម កម្មវិធី បួងសួង រកគូព្រេង
➡️ ទស្សនាវត្ថុសិល្ប: និងការតុបតែងប្លែងនៅលើកោះ
➡️ ស្វែងយល់ ពីការរស់នៅរបស់សហគមន៍នេសាទ ដោយគេងផ្ទះសហគមន៍ និងចូលរួម
➡️ ការប្រគំតន្ត្រី នឹង រំាលេងកម្សាន្ត
➡️ ប្រកួតថតរូប , ការច្រៀងចម្រៀង និង លេងហ្គេមសប្បាយៗ
➡️ រាត្រីជួបភក្ត្រ និង រាត្រីវប្បធម៌ ,ស្វែងរកក្របី មានតែមកបុណ្យកោងកាង ទេីបយល់ពាក្យនេះ😂
សម្រាប់ការចុះឈ្មោះចូលរួម សូមចុចទៅកាន់ Link មួយនេះ ៖ https://forms.gle/aUe2WGNzQnZFRCnr7 ដោយព័ត៌មានបន្ថែមសូមទំនាក់ទំនងមក Page: Mangrove Festival បុណ្យកោងកាង ឬទំនាក់ទំនងតាមទូរសព្ទ៖ 096 73 39 437 / 092 54 14 24 ។
កុំភ្លេចចូលរួមទាំងអស់គ្នាណា!
រក្សាសិទ្ធអត្ថបទ៖ ក្នុងស្រុក
ព័ត៌មានថ្មីៗ
