គួរសើចឬយំ? បុកគ្នាឡើងផ្លោងមនុស្សទៅលើឡាន! តែឆ្លៀត Selfie មួយទុកជាភ័ស្ដុតាងមុនប៉ូលីសមកវាស់វែង
ថៃ៖ មិនដឹងថាជារឿងដែលត្រូវអស់សំណើច ឬគួរឱ្យអាណិតនោះទេ ដោយថ្មីៗនេះករណីគ្រោះថ្នាក់ចរាចរណ៍មួយនៅក្នុងប្រទេសថៃរវាងម៉ូតូធំ និងឡាន បានធ្វើឱ្យអ្នកលេងបណ្តាញសង្គមហួសចិត្តជាខ្លាំង ព្រោះតែករណីនេះបានធ្វើឱ្យនារីរងគ្រោះម្នាក់ផ្លោងលោតពីម៉ូតូទើបលើដំបូលឡានភាគីម្ខាងទៀតភ្លាមៗ។
តែរឿងដែលស្ទើរមិនគួរឱ្យជឿ នារីម្នាក់នេះ មិនព្រមចុះពីលើដំបូលឡានដើម្បីត្រួតពិនិត្យរបួសខ្លួនឯងភ្លាមៗនោះឡើយ តែបែរជាទាញទូរស័ព្ទបើកកាមេរ៉ា Selfie ទៅវិញ។ រឿងមួយនេះត្រូវបានគេសន្និដ្ឋានបានថា ទំនងជានារីរងគ្រោះខ្លាចចុះពីកន្លែងកើតហេតុបាត់ភសត្តុតាងក៏ថាបាន ដូច្នេះបានជាសុខចិត្តថតរូបខ្លួនឯងទុកជាមិនសិន។
គួរឱ្យដឹងផងដែរថា មកទល់ពេលនេះហេតុការណ៍នេះមិនទាន់ត្រូវបានគេទម្លាយបកស្រាយថាយ៉ាងណានោះទេ ឬក៏ភាគីខាងណាខុសខាងណាត្រូវនោះឡើយ៕
ព័ត៌មានថ្មីៗ
