មួយជីវិតមនុស្សស្រី មិនទាន់មានប្ដីក៏នឿយ ពេលការមានប្ដីហើយ ក៏រឹតតែនឿយហត់
ពាក្យគេតែងតែនិយាយថា " កើតជាមនុស្សស្រីគឺកម្ម " វាក៏ប្រហែលជាបែបហ្នឹងពិតមែនហើយ។ មនុស្សស្រីគ្រប់រូប គឺសុទ្ធតែបែបហ្នឹង កើតមកគឺត្រូវរ៉ាប់រង និងទទួលយកនូវភារកិច្ចជាច្រើន ក៏មានមនុស្សស្រីខ្លះ ធ្វើការស្ទើរតែស្លាប់ខ្លួន តែនៅតែគ្មានអ្នកណាមើលឃើញ និងឱ្យតម្លៃថែមទៀតផង។
ជីវិតជាមនុស្សស្រី គឺត្រូវហត់នឿយច្រើនណាស់ ដ្បិតថាមនុស្សស្រីខ្លះ នាងមានសំណាង កើតក្នុងគ្រួសារល្អប្រសើរក៏ពិតមែន តែជាក់ស្ដែង នាងក៏ត្រូវតែជួបរឿងហត់នឿយដដែល នៅពេលដែលនាងរៀបការ មានគ្រួសារជារបស់ខ្លួនឯង។
មិនមែនគ្រប់មនុស្សស្រី សុទ្ធតែអាចក្លាយជាព្រះនាង ឬទេពអប្សរនោះទេ មនុស្សស្រីភាគច្រើន គឺមានឈ្មោះជាអ្នកបម្រើ តែបើនាងជាស្ដេចស្រី ជីវិតនាងក៏នៅលំបាក ហត់នឿយដូចគ្នាដែរ៕
អត្ថបទ ៖ ភី អេច
ក្នុងស្រុករក្សាសិទ្ធ
ព័ត៌មានថ្មីៗ
