ជ្រើសរើសដុំថ្មមួយដែលពេញចិត្ត អាចទម្លាយច្បាស់ថាអ្នកជាមនុស្សបែបណាតាំងពីដើមមក?
ឧបមាថាមានដុំថ្មមួយនៅលើដីចំនួន ៦ ផ្សេងៗពីគ្នា ហើយអនុញ្ញាតឲ្យអ្នកជ្រើសយកមួយ មករក្សាទុក។ តើអ្នកនឹងជ្រើសរើសយកមួយណា? តាមរយៈចម្លើយរបស់អ្នកយើងអាចបង្ហាញច្បាស់ ពីចរិតលក្ខណៈរបស់អ្នកតាំងពីដើមមក៖
ដុំថ្មទី ១
ប្រសិនអ្នកជ្រើសរើសដុំថ្មទី ១ នោះមានន័យថាអ្នកជាមនុស្សដែលចូលចិត្តការរស់នៅជីវិតបែបសាមញ្ញបំផុត។ អ្នករកឃើញក្តីសុខតាមរយៈសកម្មភាពតូចៗ ហើយក្នុងការគិតរបស់អ្នកតែងតែគិតនៅរឿងវិជ្ជមាន។ អ្នកមិនចូលចិត្តធ្វើឲ្យរឿងមើលទៅរញ៉េរញ៉ៃឬមើលទៅស្មុគស្មាញនោះទេ មិនថាតែក្នុងទំនាក់ទំនង សកម្មភាពប្រចាំថ្ងៃ និងជាពិសេសគឺចិត្តគំនិត។
ដុំថ្មទី ២
ប្រសិនអ្នកជ្រើសរើសដុំថ្មទី ២ នោះមានន័យថាអ្នកជាប្រភេទមនុស្សដែលមិនសូវចេះភ័យខ្លាច អ្នកមានថាមពលក្លាហាន អង់អាច ដែលរមែងជួយអ្នកអាចដោះស្រាយនូវរាល់បញ្ហាដោយរលូន ត្បិតបើពេលខ្លះស្ថិតក្នុងស្ថានភាពដ៏លំបាកណាមួយក៏ដោយ។
ដុំថ្មទី ៣
ប្រសិនអ្នកជ្រើសរើសដុំថ្មទី ៣ នោះមានន័យថាអ្នកជាមនុស្សដែលដែលមានភាពស្ងប់ស្ងាត់ និងចូលចិត្តបែបធម្មជាតិបំផុត។ អ្នកមានវិធីសាស្រ្តក្នុងការបន្ធូរសម្ពាធផ្លូវអារម្មណ៍ដោយខ្លួនឯង ហើយអ្នកក៏មានទំនោរទៅមនុស្សជុំវិញខ្លួនដែលគេយល់ពីអ្នក។
ដុំថ្មទី ៤
ប្រសិនអ្នកជ្រើសរើសដុំថ្មទី ៤ នោះមានន័យថា អ្នកជាមនុស្សដែលពោរពេញដោយចិត្តសប្បុរស ស្រលាញ់ និងចែករំលែកទៅកាន់មនុស្សជុំវិញខ្លួន។ អ្នករមែងទទួលបានការកោតសរសើរ ដោយសារតែភាពស្មោះត្រង់របស់អ្នកនៅក្នុងទំនាក់ទំនងណាមួយ។
ដុំថ្មទី ៥
ប្រសិនអ្នកជ្រើសរើសដុំថ្មទី ៥ នោះមានន័យថាអ្នកជាមនុស្សដែលមានភាពរួសរាយ ចេះលើកទឹកចិត្ត ហើយមិនមែនជាមនុស្សដែលនឹងផ្លាស់ប្តូរដើម្បីបំពេញចិត្តនរណាម្នាក់នោះទេ។ ផ្ទុយទៅវិញអ្នកនៅតែស្មោះត្រង់ និងធ្វើអ្វីដែលជាខ្លួនអ្នក។
ដុំថ្មទី ៦
ប្រសិនអ្នកជ្រើសរើសដុំថ្មទី ៦ មានន័យថាអ្នកជាមនុស្សដែលចេះបត់បែននិងឆាប់សម្របទៅកាន់មជ្ឈដ្ឋានជុំវិញបានយ៉ាងឆាប់រហ័ស។ អ្នកមានសមត្ថភាពក្នុងសម្របទៅតាមអ្នកដទៃ តែអ្នកក៏នៅតែមានកូនចិត្តចេះគិតពីខ្លួនឯងខ្លះដែរ។ ប៉ុន្តែគ្មានអ្វីដែលអាចបញ្ឈប់អ្នកអំពីការចែករំលែកនិងធ្វើល្អ ទៅកាន់មនុស្សជុំវិញខ្លួនអ្នកបានឡើយ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
