កុំខ្មាសអៀននឹងចែករំលែក! សញ្ញា ៤ បង្ហាញច្បាស់ស្បូនអ្នកមានបញ្ហា ចំណុច ២/៤ គួរឲ្យបារម្ភខ្លាំង
សម្រាប់ស្រ្តី ប្រសិនសុខភាពស្បូនមិនល្អ នោះនឹងអាចបង្កផលប៉ះពាល់ធ្ងន់ធ្ងរចំពោះរាងកាយទៅថ្ងៃមុខ ដូច្នេះអ្នកគួរតែពិនិត្យឲ្យបានដិតដល់និងតាមដានជាប្រចាំ។ ខាងក្រោម Knongsrok បង្ហាញពីសញ្ញាព្រមាន ៤ ដែលយើងអាចដឹងច្បាស់ថា ស្បូនកំពុងមានភាពមានប្រក្រតីហើយ៖
១) មុខស្លេក
ភាពស្លេកស្លាំងលើផ្ទៃមុខ មនុស្សមួយចំនួនគិតថាមកពីជាតិស្ករក្នុងឈាមទាប ដែលពួកគេមិនសូវជាខ្វល់ប៉ុន្មានទេ។ យ៉ាងណាក្នុងករណីខ្លះ ក៏វាមានពាក់ព័ន្ធនឹងបញ្ហាស្បូនផងដែរ នោះក៏ដោយសារតែបញ្ហាអ័រម៉ូនបញ្ចេញមិនបានគ្រប់គ្រាន់ នាំឲ្យស្បែកប្រែពីពណ៌ក្រហមមកជាពណ៌ស្លេក។
ដំណោះស្រាយនឹងបញ្ហានេះ គឺអ្នកត្រូវតែបញ្ចៀសការទទួលទានអាហារឆៅ អាហារត្រជាក់ពេក ហើយព្យាយាមធ្វើបែបណាឲ្យរាងកាយមានតុល្យភាពកម្តៅគ្រប់គ្រាន់។
២) ពុកមាត់លេចមកច្រើន
ស្រ្តីភាគច្រើនកម្រមានពុកមាត់ណាស់ ដោយវាស្តើង សឹងតែមើលមិនឃើញ ប៉ុន្តែបើស្រ្តីខ្លះលូតលាស់ពុកមាត់សឹងតែដូចបុរសដែរ នោះដោយសារតែបញ្ហាប្រព័ន្ធ Endocrine ដែលនាំឲ្យមានកង្វះអ័រម៉ូនអឺស្រ្តូសែនជាច្រើន។
ពួកគេច្រើនមានជំងឺស្បូន ការមករដូវមិនទៀងទាត់ ពោលជាជំងឺរោគស្រ្តី ដែលអ្នកត្រូវតែប្រញាប់ទៅពិនិត្យព្យាបាលឲ្យបានទាន់ពេលវេលា។
៣) មុខឡើងស្នាមជាំខ្មៅ
ស្នាមជាំខ្មៅៗរំលេចជាដុំតូច រួចរាលបន្តគ្នានៅលើផ្ទៃមុខ វាគឺជាជំងឺម្យ៉ាងដែលកើតឡើងដោយសារតែមនុស្សស្រីនោះប្រើប្រាស់ថ្នាំពន្យារកំណើតច្រើន, បញ្ហាប្រព័ន្ធ Endocrine, បញ្ហារដូវ និងកង្វះអាហារូបត្ថម្ភជាដើម។ បន្ថែមពីនេះ មិនត្រឹមតែលើផ្ទៃមុខទេ ឲ្យតែសុខៗមានរំលេចស្នាមជាំខ្មៅលើដងខ្លួន គឺច្រើនតែជាបញ្ហាស្បូនហើយ។
៤) លេចចេញរង្វង់ខ្មៅជុំវិញភ្នែក
ជាធម្មតារង្វង់ខ្មៅនៅក្រោមភ្នែក ដោយសារយើងគេងយឺតពេក ឬគេងបានតិចមិនគ្រាន់។ ប៉ុន្តែបើសុខៗវារំលេចសញ្ញាបែបហ្នឹងចេញមក នោះច្បាស់ណាស់គឺជាបញ្ហាស្បូន ក៏ដូចជាការមករដូវមិនទៀងទាត់។ អ្នកជំនាញនៅប្រទេសចិនជឿថា វាមកពីការស្ទះចរន្តឈាម ឬពេលខ្លះហូរឈាមតាមស្បូនច្រើនពេក ក៏ងាយនឹងមានរង្វង់ខ្មៅលេចឡើងក្រោមភ្នែកផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
