កុំមើលរំលង! សញ្ញា ៥ ព្រមានច្បាស់ៗថាកូនតូចអ្នកកំពុងខ្វះជាតិកាល់ស្យូម
កាល់ស្យូមគឺដើរតួយ៉ាងសំខាន់ក្នុងការអភិវឌ្ឍនៅរូបរាងកាយរបស់មនុស្ស។ យ៉ាងណាប្រសិនកូនតូចៗរបស់អ្នកលេចចេញសញ្ញាព្រមាន ៥ ដូចខាងក្រោម នោះច្បាស់ណាស់ពួកគេកំពុងខ្វះជាតិកាល់ស្យូមហើយ ដែលទាមទារឲ្យអ្នកត្រូវយកចិត្តទុកដាក់ជាបន្ទាន់៖
៥) ជំងឺ Anorexia
វាជាសញ្ញាដែលនាំឲ្យពួកគេគេងមិនលក់ ចំណង់អាហារមិនល្អ ហើយបើបណ្តោយយូរពេក នោះនឹងប៉ះពាល់ដល់រាងកាយកុមារកាន់តែខ្លាំង។
៤) បែកញើស
ប្រសិនបើកុមារបែកញើសនៅពេលយប់ ជាប់គ្នាច្រើនថ្ងៃ ទាំងដែលមនុស្សទូទៅមិនអីនោះ វាជាសញ្ញាព្រមានមួយដូចគ្នា។ នោះមានន័យថា សីតុណ្ហភាពរាងកាយរបស់ក្មេងមិនមានតុល្យភាពល្អ ដែលជាកង្វះជាតិកាល់ស្យូម ហើយឪពុកម្ដាយត្រូវប្រញាប់នាំកូនទៅពិនិត្យ ដើម្បីពិគ្រោះថាគួរផ្តល់ថ្នាំកាល់ស្យូមឬទទួលទានអាហារបែបណា ដើម្បីប៉ះប៉ូវត្រលប់មកវិញ។
៣) សក់ដុះតិចនៅផ្នែកក្បាលខាងក្រោយ
ចំពោះកុមារដែលមានកង្វះជាតិកាល់ស្យូម ពួកគេក៏នឹងមានបញ្ហាដុះសក់តិច ហើយមិនភ្លឺរលោងនៅលើក្បាល ឬជាពិសេសផ្នែកក្បាលខាងក្រោយ។
២) ក្មេងដើរយឺត ឬសន្លាក់ទន់
ក្មេងដែលដើរយឺត ឬឆ្អឹងរបស់ពួកគេមានទ្រង់ទ្រាយមិនល្អ វាជាសញ្ញាខ្វះជាតិកាល់ស្យូមដូចគ្នា។ សាច់ដុំរបស់ពួកគេដូចជាពត់ចេញរាងអក្សរ X-O ដែលនាំឲ្យដំណើរថ្មើរជើងរបស់ក្មេងតូចនោះ ហាក់យឺតជាងក្មេងដទៃខុសប្រក្រតី។
១) ពុកធ្មេញ ដុះធ្មេញយឺត
នេះក៏ជាសញ្ញាគួរឲ្យចាប់អារម្មណ៍មួយផងដែរ។ មូលហេតុគឺដោយសារកាល់ស្យូម ដើរតួយ៉ាងសំខាន់នៅរចនាសម្ព័ន្ធមាត់ធ្មេញ។ បើគ្មានជាតិកាល់ស្យូមគ្រប់គ្រាន់ នោះធ្មេញរបស់ពួកគេនឹងងាយពុកបាក់ ហើយមានចន្លោះខុសស្តង់ដារពីធ្មេញមួយទៅធ្មេញមួយ។ បន្ថែមពីជាតិកាល់ស្យូម ពួកគេក៏ត្រូវការបន្ថែមនៅវីតាមីន D ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
