ត្រៀមហោប៉ៅដាក់លុយទៅ អ្នកកើតឆ្នាំទាំង ៣ នឹងមានរាសីឡើងខ្ពស់នៅខែកញ្ញា
តើអ្នកស្ថិតក្នុងចំណោមឆ្នាំទាំង ៣ ដូចបង្ហាញខាងក្រោមដែរឬទេ? បើមានមួយ នោះចូលរួមអបអរ ព្រោះនៅខែក្រោយ ដែលជាខែកញ្ញា ឆ្នាំរបស់អ្នកនឹងមានជោគជតារាសីឡើងខ្ពស់ត្រដែត៖
អ្នកកើតឆ្នាំថោះ (ទន្សាយ)
អ្នកជាមនុស្សមានភាពឈ្លាសវៃ រហ័សរហួន ហើយងាយស្រួលក្នុងការបង្កើតជោគជ័យនៅមុខជំនួញនិងអាជីពផ្ទាល់ខ្លួន។ យ៉ាងណាតាមហោរាសាស្ត្រសម្រាប់ខែកញ្ញា ឆ្នាំ ២០២១ ខាងមុខ អ្នកកើតឆ្នាំថោះ នឹងដូចមានគេដឹកមុខ ជួយបង្វែរទិសដៅទៅរកភាពជោគជ័យយ៉ាងពិតប្រាកដមួយ នាំឲ្យរីកចម្រើនខ្លាំងលើសពីការរំពឹងទុក។
ដំបូន្មានពីហោរាសាស្រ្តសម្រាប់អ្នកកើតឆ្នាំថោះ ត្រូវតែមានភាពក្លាហាន និងលើកទឹកចិត្តខ្លួនឯងឲ្យបានច្រើន ទើបអាចសម្រេចការងារធំនៅពេលខាងមុខនេះបាន។
អ្នកកើតឆ្នាំជូត (កណ្តុរ)
យោងតាមហោរាសាស្ត្រអ្នកកើតឆ្នាំកណ្ដុរ គឺជាបុគ្គលដែលមានកិត្តិនាមក្នុងសង្គម មានមនុស្សជាច្រើនកោតសរសើរ គោរពស្រលាញ់។ ពួកគេនឹងរីកទ្រព្យធំនៅពេលខាងមុខ ហើយមានឱកាសទទួលបានកិច្ចសន្យាបង្កើតចំណូលក្រាស់ក្រែល ត្រៀមតែហោប៉ៅដាក់លុយទៅ។
មិនត្រឹមតែសំណាងនៅកន្លែងធ្វើការប៉ុណ្ណោះទេ អ្នកកើតឆ្នាំជូត នៅខែក្រោយនេះ ក៏ជោគជ័យលើរឿងរ៉ាវស្នេហាផងដែរ។ សម្រាប់អ្នកនៅលីវ ក៏នឹងមានឱកាសជួបគូពិត លែងនៅឯកាដូចជាពេលមុនទៀតហើយ។
អ្នកកើតឆ្នាំរកា (មាន់)
ជាមនុស្សដែលមានការខិតខំ ព្យាយាម និងរុញរាក្នុងជីវិត។ យ៉ាងណាពួកគេកាលពីពេលមុន មិនសូវជាមានសំណាងនោះទេ តែចូលដល់ខែក្រោយ ជីវិតនឹងផ្លាស់ប្តូរទៅកាន់ភាពវិជ្ជមានគួរឲ្យកត់សម្គាល់។
ហោរាសាស្ត្របានដំណាលមកថា ជីវិតរបស់អ្នកកើតឆ្នាំរកានៅខែក្រោយ ដូចថ្ងៃបើកក្រោយភ្លៀងធ្លាក់ មានន័យថាគ្រប់យ៉ាងក្នុងជីវិតនឹងប្រែមកភាពស្រស់ស្រាយ ឃើញចំណុចល្អប្រសើរឡើងខ្ពស់ជាងពីមុន។ ផ្នែកទ្រព្យ ផ្នែកលាភនឹងរីកធំ តាមរយៈសំណាងដែលពួកគេត្រៀមទទួលបាន៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
