កុំឲ្យគេភ្លេចឈ្មោះទាន់! កីឡាករកាន់ឆ្នាំនៅ Chelsea ម្នាក់ លឺថាព្រមផ្ទេរទៅ Arsenal ហើយ
មួយរយៈក្រោយយើងមានចចាមអារ៉ាមជាច្រើនពាក់ព័ន្ធនឹងការចាកចេញរបស់កីឡាករ Chelsea ក៏ដូចជាការត្រៀមស្វាគមន៍នៅចំណូលថ្មីមួយចំនួន ត្រលប់មកវិញផងដែរ។ បើតាមរបាយការណ៍ពី II Messaggero បានឲ្យដឹងថា ខ្សែប្រយុទ្ធនៅតោខៀវ បានព្រមព្រៀងការផ្ទេរទៅកាន់ក្លឹបកាំភ្លើងធំ Arsenal ហើយ។
នោះគឺយុវជនវ័យ ២៣ ឆ្នាំ Tammy Abraham ដែលស្ថិតក្រោមការដឹកនាំរបស់លោក Thomas Tuchel គេហាក់មិនទទួលបានឱកាសលេងជាប់លាប់ទាល់តែសោះ ជាពិសេសបើ Romelu Lukaku សម្រេចការផ្ទេរមកដល់ទៀត នោះឈ្មោះ Abraham តែបណ្តោយបែបហ្នឹង ២ ឆ្នាំទៀត ប្រាកដជាគ្រប់គ្នាភ្លេចជាក់ជាមិនខាន។
ដើម្បីទទួលបានឱកាសលេង ទាន់ខ្លួននៅក្មេង កីឡាករអង់គ្លេសក៏បានជ្រើសរើសយកទ្រនំថ្មីដែលជាក្លឹបរួមលីគគឺ Arsenal ហើយលឺថាព្រមព្រៀងការចរចាលក្ខខណ្ឌបុគ្គលរួចជាស្រេច នៅឡើយតែតម្លៃចរចារវាងភាគីក្លឹបទាំងសងខាងប៉ុណ្ណោះ។
ក្រៅពី Arsenal ខាងក្លឹប AS Roma ឯណោះ ក៏ចង់បាន Abraham ដែរ ដោយហ៊ានឲ្យតម្លៃផ្ទេរ ៣៤ លានផោន តែសាមីខ្លួនគេមិនព្រមផ្ទេរទៅលេងឲ្យក្លឹបក្រៅស្រុក។ រំឭកថាយុវជនវ័យ ២៣ ឆ្នាំបានចាយពេលនៅ Chelsea តាំងតែពីការហ្វឹកហាត់នៅយុវជនថ្នាលដំបូង ពោលនៅឆ្នាំ ២០១៤។ គេបានមកលេងឲ្យឈុតធំនៅឆ្នាំ ២០១៧ គិតមកទល់ពេលនេះ បង្ហាញខ្លួន ៨២ ប្រកួត រកបាន ៣០ គ្រាប់និង Assist ១២ លើក៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
