Rio ថាបើ Chelsea ឲ្យ Lukaku លេងតំណែង Werner ច្បាស់ណាស់នឹងអាចរកបានដល់ប៉ុណ្ណេះគ្រាប់
អតីតកូនក្រុមនៅបិសាចក្រហមលោក Rio Ferdinand បានបង្ហាញការយល់ឃើញ ពាក់ព័ន្ធនឹងការត្រៀមមកដល់របស់កីឡាករចំណូលថ្មី Romelu Lukaku ដែលថាគេនឹងពាំនាំផ្លែផ្កាជោគជ័យជាច្រើនមកឲ្យក្លឹបតោខៀវ។
បុរសវ័យ ២៨ ឆ្នាំលឺដំណឹងថាផ្ទេរមក Chelsea នៅតម្លៃ ៩៧,៥ លានផោន ហើយឥឡូវគេមកដល់ទីក្រុងឡុងហើយ ដោយកំពុងឈានដល់ដំណាក់តេស្តសុខភាពដំបូង មុនសម្រេចប្រកាសជាផ្លូវការនៅប៉ុន្មានម៉ោងបន្ទាប់។
តាមការជឿជាក់របស់ Ferdinand បាននិយាយប្រាប់ FIVE YouTube Channel បែបនេះ៖ "ខ្ញុំធ្លាប់បាននិយាយជាមួយគេ [Lukaku] ដោយគេជាបុរសដែលស្រេកឃ្លានការរកគ្រាប់បាល់ តែគេមិនទាន់បានបញ្ជាក់មកខ្ញុំច្បាស់ទេ អំពីការចុះហត្ថលេខាផ្ទេរមក Chelsea គ្រាន់គេថារដូវកាលថ្មីនេះ គេស្រេកឃ្លានការរកគ្រាប់បាល់ខ្លាំងណាស់"។
លោកបន្ថែមថា៖ "ខ្ញុំគិតថា Lukaku នឹងអាចធានាការរកបាន ២០ គ្រាប់យ៉ាងតូច ដោយគេជាម៉ាស៊ីនបញ្ចប់ទីកម្រិតខ្ពស់មួយ តែបើគេអាចទទួលបានតំណែងដូច Timo Werner លេងជាប់លាប់ដូចឆ្នាំទៅ ម្ល៉េះគេអាចរកបាន ៣០ ទៅ ៣៥ គ្រាប់ឯណោះ ដោយវាជារឿងធម្មតាហើយសម្រាប់គេ បន្ថែមពីនេះ Lukaku ពិតជាអាចជួយឲ្យ Chelsea ឈ្នះពានរង្វាន់ [Premier League] បាន"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
